樓下商場臨近過年，新到好多新款羽絨衫，上月買佐件款式媽媽好鐘的外套俾佢，款係靚，不過就唔足夠保暖。所以依次見到商場新來啲羽絨含量足，保暖性極強，又唔會太厚重，款式又新潮，色澤又豐富，周末就叫佐阿媽過嚟，等佢自己挑選過年的新衫，周末都順便可以陪我行下街，買啲年貨，強哥依個周末都要開工，還好，有媽媽相陪。
說起來好笑，初初結婚的時候，媽媽一時接受不到我已嫁做人婦的身份，相對少了許多許多陪佢的時間，於是私下開玩笑似的和親戚說“阿強搶走佐我個囡囡啊”~~~
依句玩笑傳佐到我耳中，自然都俾佐我一個警醒，就算是嫁了人，都要多留意母親的心理需求，所以基本上，隔二三天就會同母親通個電話，聊幾句家常，咁樣媽媽的心，都會安慰許多~~`
細個時過年都係阿媽幫我買新衫，依家我長大了，換我幫媽媽買過年的新衫，期待若幹年後，都有個小寶貝，會幫我買過年的新衣裳~~~
媽媽鐘意食蘿蔔，冬季的蘿蔔清甜無比。
整佐個蒸蘿蔔俾媽媽食，咁樣的做法阿媽無做過，聽我形容做法，直說新鮮~~
蘿蔔切片鋪碗度，倒入適量高湯，擺少少紅棗，俾多幾粒粗鹽，然後上鑊蒸，就咁簡單。。。。
貪方便，用盒裝高湯，豬骨味道，（或者換雞湯，味道一樣好好）
咩準備都唔洗，就切蘿蔔果幾下功夫要動一下下手。。。。
擺佐幾粒粗鹽，調較下味道，高湯本身已帶味道，所以無需過鹹，簡單的鹽，更能帶出甜味。
因為蘿蔔較多，我上鑊蒸佐二十幾分鐘至全熟。。。。
然後唔揭蓋燜多十幾分鐘~~~~
響燜的過程中，可以走去煎魚。。。。
完全食得到蘿蔔本身嘅清甜。。。。
阿媽超鐘意，佢夜晚唔點食飯㗎，佢都食佐好多蘿蔔，話好好味，到時佢自己又要咁樣整嚟食。。。
阿媽煎魚強哥最愛食，我一路唔識煎魚，就一直都無煎過俾強哥。
同媽媽去街市，見到黃花魚好靚，咁阿媽就話叫我都學下煎魚，以後都可以自己煎俾強哥食嘛。。。。
都好，我來煎，阿媽從旁指導。。。
原來如此簡單~~~
魚整幹凈裏邊黑黑果層腹膜，然後洗幹凈，用少少鹽抹一抹身體裏裏外外，靜置一旁唔洗理會，直到強哥返屋企之前，至開始煎。
煎嘅時候，油要稍多少少，薄薄一層的油，類似半煎炸的方式，阿媽話咁樣煎好啲魚先會酥脆。。。。
開中細火，煎至兩邊上下左右全煎到酥脆為止，除佐耐性，真無特別的其它訣竅~~~
我個煎PAN較細，煎得個頭同身酥脆，條尾又顧唔到。
所以最後煎好頭同身，個尾都要再炸一炸，等條魚做浮游狀~~~
炸到全身上下無一處唔脆~~~
咁先好好味嘛~~~
原來煎魚如此簡單，唔明我以前點解一路唔想嘗試，依家試一次，以後識㗎啦~~~
煎完魚嘅油唔好嘥，可以搵個碗載起佢，咁樣可以第二次煎魚再用返佢，就唔會太嘥啦，阿媽話，最多返用一次好啦，用得多啲油無益㗎。。。
強哥除佐蕃茄魚，五柳魚，糖醋魚，最愛係煎魚，最唔鍾意係蒸魚~~~
睇到美食節目，水上人正在煎鹹魚，強哥即刻開心地同我分享自己獨到的見解「你睇你睇，水上人都係食煎魚㗎，其實煎魚先係最好味㗎嘛」
係啦係啦，知你鐘意食煎魚，以後得閒，咪煎幾條俾你囉~~
蒸多碟臘味~~
簡簡單單，食得好開心~~
夜晚燉多盅花膠，阿媽鐘意有薑味，咁我就俾多舊薑入去。
不過如果我自己口味，我都係唔多鐘意落薑，單純地奶同花膠嘅味道，已經好香~~
沒有留言:
張貼留言