周圍行一圈

前日國慶同強哥過香港果邊行佐一圈。

先陪我去圖書館轉一轉，借返幾本書。

唔知有無人有印象，尼古拉斯基治拍過一套戲「天使之城」，天使每日流連於圖書館內嘅場景~~

每次入去圖書館都會諗「我身邊，會否都同樣企立一個天使？」

去完圖書館，轉過大坑果頭行行下。

同咫尺之外嘅車水馬龍相比較，依度多佐一份隨意的優閒與難得的靜謐，似是繁華都會之中，因堅守著一份自得其樂的情意而形成的自成一國的氛圍。。。

 

總有好多舊樓，都保持得好好。。。。。

 

茶檔。。。。

行到攰，同強哥係街邊座低飲杯茶，慢慢感受下都會當中難得嘅清靜。

未結婚前，曾因貪圖一份寧靜與優閒，係一處人流極少嘅街道頂佐一間地舖嚟做服裝生意，未曾諗過，做生意嘅根本目的係利潤，人流少相對生意額都會降低，盲中中就咁開張佐。

因為志不在錢，足夠我交租以及平日開支經已心滿意足，所以態度可以好隨意，對於價格訂位，只要成本能夠持平就無乜所謂，絕對意想不到嘅，反而係我依種隨意的心態，吸引到一班好忠實嘅人客，用一個人客嘅說話「就算無意欲買衫，一經過你舖頭，就有一種莫名吸引力，想入去同你講幾句說話」

做生意，能夠積聚人緣，我覺得就已經好成功。

所以它日，希望同樣搵返一個角落頭，靜靜地做一啲自己興趣的食物，唔單止係醫肚，更希望，可以同人客有一種食物以外嘅交流，可以做一間，經營幾十年嘅老店舖，直至成為老字號~~~

同屋企人約佐夜晚係彎仔食飯，咁就預好時間，慢慢由大坑一路行過去，經過一間好中式嘅建築物，睇過新聞介紹，原來，係一間教堂~~~

 

行前少少，就係銅鑼灣，五光十色，一派都會印象~~~

人聲鼎沸，熱鬧非凡~~~

好吸引人嘅薄餅，同強哥約佐下次過嚟試食。

住係九龍，真係極少過香港依頭搵食，以後要多啲過嚟食下嘢先得~~~

 

天再凍啲，炒栗子就有無名吸引力啦。。。。

去到相約食飯嘅地方，食上海嘢，門口有好多自家釀造嘅紹興酒。。。

食完飯，行去海傍睇煙花。。。。

睇煙花倒是其次，近距離感受一下，煙放燃燒剎那的震撼才是主要目的。

後嚟睇新聞，當晚合共有二十五萬人去睇煙花，散場時，真係人頭涌涌。。。。

無其它節目，咁就返歸~~