「食譜」韭菜叉燒煎薄罉

尋日見有網友問我“煎韭菜蝦米薄罉”的做法。

反而這一問，吊起我對薄罉的興致來。

做法與北方的煎餅其實係大同小異，只是材料上的稍有區別而已。

依個係廣東最傳統的家鄉煎餅，一般傳統會放韭菜與蝦米，粉就用糯米粉。

薄罉分有甜鹹之分，相較下我更屬意於鹹的味道，更香。。。。

現在香港一般的酒樓基本已經失去薄罉的蹤影，不知何故，只有少數的酒樓還偶爾可見，怕是過於廉價，上不了檯面之故。。。。

屋企附近有一間細細的餃子鋪，餃子粥品炒面之外，也有售賣薄罉，見店家一次煎好高高一摞，有客人要食即時端出，可想而知早已攤凍多時，一看就胃口全失，從無幫襯意願，要食，都係自家制作，新鮮滾熱辣的即煎即吃，來得美妙~~~

傳統的做法早已無從考究，研看舊食譜，純以糯米粉加水揉成團，在鍋裏煎制之後不停壓薄，煎成後不消三數分鐘即全數變軟，脆意全無，所以近代的做法，加以改良，除糯米之外，添加若幹粘米與面粉，加水開漿，容易煎制，擺上十幾分鐘都還可維持香脆口感~~~

所以傳統，都唔一定需要照葫蘆畫瓢的簡單直搬，經過改良，先有不斷的進步空間。

做佐個強嫂改良版的“家鄉煎薄罉”，雖與正宗傳統略有差異，但風味獨特，口感一流，何必拘泥是否正宗~~

今日早上煎薄罉，用佐五湯匙糯米粉，2湯匙粘米粉，一湯匙麵粉，咁就可以煎成二塊薄罉嘅份量啦。

然後加水開成粉漿，再加入韭菜同叉燒粒，落鹽同胡椒粉俾味。

全部材料撈埋一起，即成薄罉粉漿。

煎法就無乜難度，平底鑊落油，將粉漿倒入，拎起鑊左右轉動等粉漿變得均勻同薄啲。

兩邊煎至金黃即可~~~~

都係二分鐘左右嘅事，係咪好易咧。。。

韭菜經過熱力一逼，香味係咁散發出嚟，未食聞到韭菜香味，已經流口水~~~

因為糯米粉之餘總有粘米粉同麵粉，所以口感唔會一味係韌，總多佐一啲綿綿嘅口感，煎得兩面香脆，所以食落，真係外脆內軟~~~強哥至愛係邊邊位，煎得脆卜卜，食落異常香口，依個就係新鮮即煎即食嘅美妙之處啦~~~

傳統係落蝦米，我屋企有叉燒，咁就切佐啲叉燒粒，食落好甘香，配埋韭菜，味道一流~~~

唔建議用蔥或者其它材料代替，一定係用韭菜最香。。。。

今日早餐~~~

食過靚靚早餐嘅強哥，開心返工~~~

前幾日早餐，煎兩塊薯餅，二條香腸`~~

夠快。。。。

早晨啊各位~~~

我阿媽最鐘意食蕃石榴，幾乎每日都食一個，我就好少買嚟食，唔多鐘意入邊啲核~~~

不過間中都會買嚟食下嘅~~~

阿媽教落嘅食法，蕃石榴加梅粉同食，味道最正~！~~

屋企個切蘋果嘅刨用得都幾多下㗎，愛嚟切蕃石榴，好靚~~~

切好嘅蕃石榴，落啲梅粉，食得~~~~

梅粉係東南亞食品店都可以買到，有分甜味同辣味，我就鐘意買辣味，甜酸之餘，有少少辣意~~