早餐食煎餅仔，最簡單，唔洗腍。
夜晚較好粉漿，擺入雪櫃，第二日取出煎一煎，幾分鐘搞得掂。。。
唔洗好多，幾湯匙粉，已足夠一個早餐嘅份量~~~
雪櫃低溫發酵一晚嘅粉漿煎好嘅餅仔，發得好靚㗎。
俾個側圖睇下。。。
基本上無失過手~~~
即整即食，新鮮美味~~~
夜晚懶得諗，樓下酒樓斬佐一條燒腩，冇斬，返嚟可以再加熱。
食之前，平底鑊落幾滴油，幾滴好啦，因為燒腩煎一煎後會自己出油。
就咁干煎一陣間，煎到皮脆卜卜，自己啲油逼哂出嚟，四邊都煎一煎焗返熱佢
然後再斬件~~
食時好似剛剛焗好咁，脆卜卜，肉汁又多，正~~~
煎完腩肉嘅鑊有好多油，同埋腩肉嘅五香燒臘味，唔好晒佐佢，爆香啲蒜蓉，跟手炒埋碟生菜~~~
係咪好簡單咧依個晚餐~~~
上次我學您煎燒肉俾我姑仔食.佢問我:您啱啱有落街買燒肉咩?
回覆刪除佢話同啱啱買嗰D一樣咁脆喎!
[版主回覆10/08/2010 17:46:00]上次係斬佐再煎，雖然香口，不過可惜肉入邊嘅汁都煎得有少少干身，咁樣成條煎佐再斬，總似剛剛焗好出爐咁啊。。。。
脆卜卜既燒肉好味呢..我好耐冇食啦
回覆刪除[版主回覆10/08/2010 17:45:00]耐唔耐食下幾開心㗎~~
好嘢呀 ! 有時諗唔到煮咩餸, 我都係咁樣食嘅, 真係又簡單又快捷
回覆刪除[版主回覆10/08/2010 17:44:00]燒味真係百食不厭，叉燒燒鴨燒腩變嚟變去食。。。。
我都諗咗好耐話要整pancake, 不過咁耐都係得過諗字. 看完你的作品後, 真的要的起心肝學整至得, 唔駛亞仔成日去麥記! 謝謝分享.
回覆刪除[版主回覆10/08/2010 17:44:00]真係自己整好之後，擦花生醬同奶味道較之麥記更豐富，你仔仔都必定會鐘意㗎~~~
係呀!我上次都係斬咗先煎,一粒粒每邊反.都幾麻煩!今次見您成條煎個樣都好OK喎!
回覆刪除[版主回覆10/08/2010 17:58:00]我上次都係一粒粒返，所以今次專登叫佢冇斬，一條咁易返好多`~~最緊要中間嘅肉汁得以保留~~~
而家斬一條骨都要幾十蚊呢 顛係乜都貴呀
回覆刪除[版主回覆10/08/2010 20:12:00]不過點都平過係酒樓食，一碟仔得一半咁多都百幾蚊碟啦。。。。
煎完燒肉再炒菜~~好方便呀~~~
回覆刪除喔 ! 我而家先看得出, 原來小菲菲俠你很有心思哩 是一隻兔女郎
回覆刪除嘩，口水都流啊
回覆刪除心形pancake我鍾意喎！
回覆刪除好味,sweet晚餐.
回覆刪除燒肉脆卜卜, 真係好主意!
回覆刪除