開心的晚餐

真係有嘢要買嘅時候，始終係自己行街買到嘅可能性較大。

尋日悶悶地自己去行街，意外地一下俾我買到三樣心頭好。

買嘢唔係難事，最難係買到返嚟之後果份開心嘅情緒可以持續好長時間，依樣係最難得。。。

開心嘅情緒一直延續到夜晚，我自己係廳睇電視，老公係書房玩電腦，我倆公婆有個不成文嘅習慣，只要倆個唔係同一個地方，老公時不時就會望向我所在地，睇下我係度做緊咩，互相交流下眼神，再繼續彼此嘅事干；咁我因為好開心，不停係度搖頭晃腦，哼住歌仔，老公一望向我，我就咧嘴一笑然後拍拍手掌大大聲講句「老公，我好開心啊」~~~

喜悅嘅情緒會彼此影響，老公見我咁開心，就走出廳攬住我錫返啖然後同我講：「如果第時生個女好似你咁，開心起上嚟拍哂手掌好像你依家咁嘅樣，我根本無辦法拒絕佢任何嘅要求」

哈哈哈，老公，我想要天上嘅星星掛係床頭，幫我去摘幾粒落嚟好麼~~~

~~~~~~~~~~~~~~~~~~~~~~~~~~~~~~~~~~~~

尋日早餐，整佐腿蛋治~~

蛋治早晨全餐~~~

晚餐，買佐條大鮮魷，炒起得一碟仔，用佐孜然粉去俾味，香噴噴。。。。

買佐條牛𦟌，切片同韭菜花炒埋一碟。。。。

老公話不斷冒著泡泡嘅汽水好靚~~

開心的晚餐~~

同食物無直接關係~~~