「食譜」鮮茄炸雞柳

雪櫃凈有一舊雞扒，好想食啲甜甜酸酸味道嘅餸，咁就住幾個蕃茄，整返味蕃茄雞柳了。

雞扒切條狀，然後用胡椒粉生抽糖酒醃一醃個味。

.

醃大約二十分鐘，然後撈粉。

我上次係印尼商店買佐包炸雞粉，一路無用過，咁就開出嚟試下。。。個粉本身係有味嘅，有胡椒同鹽嘅味道，好彩個雞柳我無醃得好咸，配埋個粉都差唔多。。。。

將雞柳上佐粉之後，落鑊炸至酥脆。

準備三個蕃茄，去皮，切少少蒜同薑。

做法：

熱鑊落油，爆香蒜同薑，然後倒入蕃茄炒腍身，加水略燜煮，然後落喼汁同少少茄汁增加香味，再俾啲砂糖去中和個甜酸味，煮好茄汁之後熄火，倒入炸好雞柳入去撈勻個汁即可上碟~~~

好開胃嘅一碟新茄炸雞柳~~

茄汁撈飯一流~~~

韭菜同少少叉燒簡單地炒埋，鹽俾味，搞掂~~~

兩款都好好味嘅餸，食得好開心~~~