年三十之團年飯

團年飯，所謂無雞不成席，雖然強哥一家人都係唔拜神嘅，不過奶奶都依然係買佐隻新鮮雞返嚟大家食下。

好貴啊，成七十蚊一斤，依隻雞細隻啲，都有二斤幾重，接近二百蚊隻雞，真係貴~~~

不過傳統上習慣佐，做節都係有隻雞先完美，無所謂啦，最緊要大家開心~~~

1、肥美白切雞

2、魚鬆炒雜菜

奶奶自己用膠魚整嘅魚鬆，彈牙兼魚味重。

 

3、魚肚瑤柱煨黃芽白

魚肚係上次同奶奶去深圳鹽田買返嚟㗎，好「海鮮味」嘅魚肚~~~好清甜嘅黃芽白~~~

 

4、我整嘅芋頭扣肉

好快沽清，真俾面~~~

 

5、臘味合蒸

送酒小菜一流~~

6、蒜蓉蒸開邊大龍蝦

老爺一早走上西貢買返嚟嘅，好生猛㗎。

前年老爺自己係漁排養佐好多龍蝦供自己屋企人食，加埋打佐幾次颱風，可能係隔離唔知邊家嘅漁排走「蝦」，游佐十幾二十隻龍蝦過我啲個排度，哈哈，果年超多龍蝦食，各式煮法都煮勻，最後連打邊爐都碌埋龍蝦食，真係勁開心~~~

不過強哥好慘，忍唔住口食佐半邊龍蝦咋，當晚返到嚟，成身都出曬紅點「過敏」啊，真係無口福，希望弟時我生個小朋友，無好遺傳強哥嘅「過敏體質」啊，如果唔係，我就有排煩啦~~~

7、果皮清蒸新鮮鮑魚仔

好鮮甜，而且食落好爽口，蒸得剛剛好火候，食落一啲都唔韌

正~~

比食罐頭鮑正幾百倍~~~

8、蠔豉豆菇發菜燜豬手

奶奶燜依味餸真係好夠味，正`~~

9、清蒸石斑

自家漁排養嘅斑仔，都有二斤到重，最緊要係夠鮮~~

 

10、花膠魚翅螺片瘦肉湯

極盡豐富之材料，加埋慢火煲足四個鐘，滋味如何，不言而喻`~

一家人團團圓圓，開心食餐飯~~~~

依餐團年飯，大部份餸都係老爺落廚煮㗎，我睇到老爺帶住個圍裙，幾可愛啊，即刻叫佢同奶奶過嚟俾我影返張相先得~~~

祝佢啲日日都咁開心，越嚟越後生，煮多啲靚餸過我啲食啊，哈哈哈~~~

 

 

老爺同奶奶真鬼馬，兩個人一正一反手添~~~