唯一無出意外係碗湯。
煲佐花生眉豆赤小豆花生湯。
凈咁聽個名已知材料。
買佐盒雞腳，巴西大雞腳，硬係覺得雞味欠奉。
所有材料掉落水度，加幾片薑，煲幾個鐘，搞掂。。。
煲湯基本上適合所有識煮唔識煮飯人士操作。。。
出意外嘅可能性極低。。。
開始一一細數我失敗嘅事項。
黑仔事件一、
一早起身就周身充滿力量咁去搓面，因為凈有少少免治豬肉，諗住整幾個菜肉包第二日早餐。
用佐雪櫃果碗老面水。
出事啦~~~
第一次嘗試到整到D包係完全唔發，死面咁，黃燦燦，實嗒嗒，頹~
激氣，將所有包皮扯爛即時掉到垃圾筒，費時睇到火滾。
菜肉包，個包係衰佐，但係個「菜肉」係無辜嘅，即時食佐兩件個菜肉。。。其實我好鐘意食包入邊嘅餡，有佐面粉嘅香味包住去蒸出嚟嘅肉餡，滑嫩之餘，好香噴噴㗎。。。
咁就索性同雪櫃凈返嘅一截仔紅腸炒埋一碟。。。。
落少少甜豉油同麻油調味，咦，幾好啵。。。。
黑仔事件二、
要煮飯先至醒起之前一日煲曬D米，一路以為屋企係有一包米未開嘅，點知要煮飯時先至發現原來記錯佐。
好彩，總有大半包日本米，一樣食姐，係唔知過佐期未，斷估都食唔死人嘅。。。。。
黑仔事件三、
個飯煲唔知煲到幾分鐘嘅時候，唔覺意斷佐電，（個插蘇被我撞一撞到鬆脫佐）俾我等佐好耐發覺個飯都未煮好嘅時候先至發現煮佐夾生嘅米。
死啦，未試過煮到夾生嘅米，唔識得點處理，咁唯有好似煮意大利飯咁，將飯又倒入鑊再煮一煮。本嚟洗佐D椰菜要炒嘅，咁就先炒佐少少菜，再溝埋個飯去炒一炒，焗一焗。。。。
煮到痴曬底。。。。不過好鬼香口~~~
因為我落佐少少雞湯去煮。。。。
老公竟然話好似食緊生炒糯米飯咁。。。。。
黑仔事件四、
食食下飯，竟然咬到自己下唇都得嘅。。。。痛到眼淚水都出。。。
真黑仔啊。。。希望今日無嘢發生啦。。。
錯有錯著，一樣有飯有湯有餸。。。
算啦，好又一餐，唔好又一餐。。。
然後再分享一個小小生活小發現。
在網上睇到依個方法，尋日試佐，真係有效嘅。。。
當鉸剪鈍佐之後，剪一剪一張摺二摺嘅錫紙，剪幾下，咁把剪刀就會變返好利啦。。。
原理係利用錫紙本身較硬身嘅特性去加強同鉸剪嘅磨擦力達到讓剪刀變鋒力嘅目的。
可以一試㗎。。。
沒有留言:
張貼留言