雖然一早有佐心理準備，天氣會驟凍，不過適應佐一夏的熱之後，突降地十度氣溫，都不禁叫人打個「冷震」
咁凍嘅天氣，叫我不期然，諗返起細個時聽過嘅一個關於「守獵」嘅傳說。
大雪紛飛之時，大部份動物都唔會出外覓食，唯獨是「狼」，依然無懼天寒地凍，依舊外出覓食，咁就成全佐靠守獵為生嘅一眾獵戶。
有一個老獵人，有一個獨門捕狼嘅方法，基本上只要遇著狼，用同樣方法，都絕不會空手而歸。
出門之前，獵戶會先殺一隻小動物，將小動物嘅血液，趁熱同水混合係一起，然後係水中，將刀刃向上，擺入一把刀，天凍之時，咁樣暗藏佐刀嘅血水，好快就凝固成一舊。
然後帶住依舊血水，擺放於狼會出沒嘅地點，跟住自己就藏匿佐係附近，只等獵物上勾。
唔使好耐，就會有一隻饑腸轆轆嘅狼聞到血腥味而來，對住果舊已經雪硬佐嘅血水，伸出條利不停舔食。
因為雪水好冰嘅緣故，狼不捨得依等滋味，不停地舔，舔得耐佐，條利被冰到已經無曬知覺，舔到差唔多嘅時候，藏於血水當中嘅刀刃就露佐出嚟，而狼就繼續係咁舔，終於，狼條利就係無知覺嘅情況下，被刀刃割開兩片，自己身上嘅血水，就咁不停流出，直至氣軟倒地，依個時候，藏身附近嘅獵戶，就可以走出嚟，輕而易舉地將狼隻收伏。
獵戶係好巧妙地利用佐天氣嘅便利，加上狼本身貪婪嘅天性而一舉得呈
故事嘅真實性已不可考究，不過古仔，我就一路記住，遇著豐富誘惑之時，總會深思，甜頭背後是否同樣藏有一把利刃。
--------------------------------------------------------
天氣凍，人嘅胃口都會好好，蒸佐一碟蝦膏蒸肉餅，勁好送飯。
做法：免治豬肉用生粉豉油糖攪至起膠，然後打入一個雞蛋，一大匙蝦膏撈勻，上鑊蒸熟即可。
早一日整叉燒炒豆角，凈有少少叉燒，咁就買佐一條脆肉瓜，加埋木耳同甘筍絲，雜七雜八炒埋一碟。
又因脆肉瓜會出水，起鑊之前埋返個生粉水，依碟餸，正~~
簡單地滾佐一個荽莤豆腐湯~~~
搞掂~~
沒有留言:
張貼留言