好鐘意睇台灣嘅一個新聞台，新聞報道及時深入，取材角度貼近民生，既有民眾關心嘅政治熱點，更有趣味新奇的本土事件，最重要，依個傳媒平台，往往以獨特正面嘅視界去詮釋新聞背後嘅反思，對於電視機前嘅觀眾，起到一個極好嘅正面地引導作用。
前日睇到一條新聞，新聞用監視鏡頭為場景，鏡頭出現一個帶住機車帽嘅男性青年，企直直係一個阿嬸模樣嘅女人面前聽候訓話，然後女人從收銀機取佐幾張銀紙遞俾男青年，然後做出一個意想不到嘅行為，果位女士，輕輕摸一摸個男青年嘅頭，似是一個長輩觸摸緊晚輩，充滿憐惜之意，鏡頭中，男青年被女士觸摸之後，忍唔住向女士菊佐二個恭，然後轉身消失於夜色之中。
依個新聞係用小食檔嘅監視鏡頭影抵嘅當時嘅行為場景，然後配以新聞主持人嘅旁白去解釋事件發生嘅過程，原來，一個職高生，因一時嘅貪念，趁夜向一間售賣小食嘅檔主實施打劫行為，點知小食檔主，睇對方實在年輕，卻做出咁樣嘅壞事，於是出言警示，希望對方不要誤佐大好前途，可能真係講中男青年心中鬱結，於是男青年做為一個行劫者，竟然聽到默然企定係該位女士面前聽訓，然後女檔主由收銀機取出三百蚊台幣，相當於七十蚊左右港紙，交俾男青年。
由主持人嘅旁白引導，令電視機前嘅觀眾覺得最感動之處，在於該名女士，似是長輩愛惜晚輩一樣摸佐男青年頭果一下，果种大無私嘅大愛，一下直擊中觀眾嘅內心。
依條新聞嘅重點不在於打劫嘅行為或者被打劫嘅數目，精彩之處在於，依個台嘅新聞人將新聞重點，著重於被打劫者面對犯案人時嘅態度與行為。
一條本應平平無奇嘅本地社會新聞，經新聞人以另一角度去評論之後，令人有一種耳目一新之感。任何一個平淡無奇嘅事件當中，都總會有一點閃光之處，只在於，做依個新聞嘅傳媒人，是否有發現果一個閃光點嘅靈性同熱誠。
相較之下，本港嘅新聞，實在缺乏新意，打開電視睇本港新聞，無一例外嘅報道，不外乎今日邊度發生咩車禍，今日天氣如何，邊度塞車，今日股價升佐跌佐，大市走向，樓價如何等等新聞。。。
根本是一張打住官腔嘅面口對住全港市民，咁樣欠缺誠意與熱情嘅新聞態度，不知要繼續到幾時。
係啊，好似八卦周刊果啲，揭人私隱，嘩眾取寵，無中生有嘅新聞模式，就大有追捧者。
縱觀成個香港嘅文化價值觀，只可以用「膚淺、無知」等詞彙去形容。
咁樣文化氛圍下長大嘅年青一代，「食粉、援交、濫交、群交、亂交」等等乜「交」發生都不足為奇，實在佢哋都無一個正常、正面嘅社會道德做為指引，食住快餐文化長大嘅一輩，只會繼續用佢啲日趨萎縮嘅腦汁去培育下下一代，等待香港嘅未來，會係一個我唔敢去想像嘅時代。。。。
---------------------------------------------------------------------------------------
文化快餐已無可避免地享用太耐，自家嘅餐桌文化，不應再以快餐打發，能力所及，總要一餸一湯。
尋晚蒸佐碟魚~~
用自家制嘅馬拉盞炒佐碟菜。
關於馬拉盞嘅製作可點擊「 馬拉盞 」
蒸多碗飯，加埋隔夜花生眉豆雞腳湯，一個晚餐，簡單得嚟，百般滋味~~
係惠康平平哋買佐包臘腸，整佐一籠臘腸卷，第二日早餐~~~
搞掂~~
老公今朝食過後話，勁似佢細個時樓下茶樓嘅味道~~~
依個係臘腸嘅關係，包皮，依然係平日整包嘅味道無變。。。。。
沒有留言:
張貼留言