與社會日漸脫節，由時尚的觸覺遲鈍中可見一斑。
實在覺得時下年青男仔熱衷的一種極松垮垮的牛仔褲毫無美感可言。
年青男孩幹瘦的四肢配與扁平的屁股已經非常可憐，再自暴其醜的配以一條寬松的褲仔，從背後望去，整個一片飄零的小小樹葉，真是慘，不忍睹。
設計者怕是誤解了果首“我是一只小小鳥，想要飛得更高”的歌兒，因此錯誤地將褲檔處設計為寬松狀態，完全地置女性審美情緒於不顧，自顧自地認定，只有更寬廣的環境，才能讓小小樹苗飛得更高更遠。
如果話二十歲的女仔鐘意嘅係男生俊俏的臉蛋，咁對三十歲或以上的女士而言，男人結實圓潤的臀部，才是真正致命的性感。裁剪大方質地舒適地西褲，完美地將整個球狀物體完整表現出來，叫人觀後長吞一啖口水，只想伸手一試是否一如想像中的彈力十足，余味無窮。
真係脫節了，始終覺得，男人都係穿著能夠展現成個形狀的褲較具美感。
---------------------------------------------
依個季節，苦瓜真係百吃不厭的食物。
依日又買佐兩個苦瓜返來煮餸。
切成片的苦瓜先用鹽出一出水，咁樣做可以減少苦瓜果種澀澀的感覺，余下的只有苦瓜甘甘的感覺。
所謂用鹽出一出水，就係將切好片的苦瓜，灑上一細匙的鹽，用手抓一抓，揉一揉，無幾耐苦瓜就會出好多水，倒去榨出來的水即可。。。
然後準備材料：蒜蓉、豆豉、薑剁蓉。五花腩半條碌熟之后切薄片。
依條五花腩較肥，有細半全部係肥膏，其實我係睇到佢咁肥先至買返黎㗎，因為愛黎炸成豬油渣，超好味。
家下D人個個話健康，豬油已被視為人類天敵，非要置之死地而大快。可憐我有時想食返豬油果種獨一無二嘅甘香味，真係難上加難。
炸佐細細幾塊豬油渣咋。。。留起佢，第二日買D豆角返黎炒，豬油炸配豆角炒，好好味㗎。。。
炸過豬油渣嘅鑊順手煎香埋切好片嘅瘦五花肉，同薑蒜豆豉，然后再倒入出過水嘅苦瓜入去炒，落少少鹽調味。
不得不承認，用豬油炒出黎嘅餸，係甘香好多好多㗎。。。
如果以上言論對你產生任何不安情緒，尚請見諒。。。。
我無話俾老公知係用佐豬油炒嘅苦瓜㗎，費事佢聽到後唔食。
不過佢食嘅時候猛咁話「今日D苦瓜整得咁好味嘅？」
我唯有答佢「無啊，可能你肚餓掛」
另外用薑絲炒牛肉，加佐少少菠蘿片入去。
菠蘿炒牛肉，勁好味。。。。
PS.菠蘿里邊嘅果酸係極強嘅天然鬆肉劑,我試過用菠蘿剁碎之後同牛肉一起醃,點知醃得時間長佐D,原來菠蘿嘅果酸實在太強,我D牛肉被佢鬆到「梅」曬，自此之後，一係用菠蘿醃牛肉，醃十幾二十分鐘就好，一定唔好醃太耐，一係就索性唔用菠蘿去醃佢，炒到最后再將菠蘿倒入去兜一兜佢，碟牛肉，一樣會有好濃嘅菠蘿味，而且D牛肉嘅牛味都依然係度。。。
一餐食唔曬咁多餸，留返哋牛肉，第二日晏周碌面食。。。。
兩款超好味，超好送飯嘅住家餸。。。。
沒有留言:
張貼留言