成功格仔餅

 

我部格仔餅機買返嚟都有三年幾四年羅，都無乜點用過，除佐第一次買返嚟，用自發粉開過粉漿黎整，結果好鬼難食之後，依部機仔就置之倉底，永無見光之日。

係依家煎Pancake整得好成功，一D發粉嘅臭味都無之後，今日早上煎佐幾塊Pancake俾老公做早餐，粉漿較得太多，剩抵佐一碗仔，咁諗諗下，不如試下整格仔餅羅。

先至將佢再帶返人間，抹洗乾淨。

因為幾年都無乜點用過，總好新凈，真係對佢唔住，如果依次整得好味，以後就會多D用佢啦。

個粉漿好簡單㗎，無出邊果D香味咁假，有好濃嘅蛋味。

我就提早一晚，用一杯低筋面粉，一杯奶，二隻雞蛋，一茶匙酵母粉開好個粉漿，擺入雪櫃，第二日早上直接就用得啦。

煎Pancake發得好好㗎，所以用來整格仔餅，亦都發得好好。。。。而且最緊要，係無泡打粉果種化學味。

 

因為太耐無用過，爭D唔記得點用添，不過試下試下，都OK整到出黎。。。。

等個機仔加熱完成之后先倒粉漿落去，再焗多一分鐘，就已經開始聞到蛋香味，又再等多一分鐘，揭得蓋。。。

綠燈亮起，加熱完成。。。。。

如果想香口D可以再開火焗耐D。。。

不過我見到邊邊已經好脆，咁就食得啦。。。

 

好容易就離到部機啦，整格仔餅真係超簡單。只不過以前我唔識得整個粉漿。。。。

下次加D椰子粉落去，咁就係椰香格仔餅啦。。。。

自己用酵母菌發酵嘅餅仔，時間稍長，但係食落口好味好多好多。。。。

 

 

天氣太熱，都無乜胃口食太熱辣辣嘅嘢，好彩雪櫃總凈有少少我至愛嘅雲尼拿雪糕，等我加一大勺落去食先。。。。

 

 

外脆內鬆，濃濃嘅蛋香配以香香滑滑冰爽透心嘅雪糕，依隻格仔餅，超成功。。。。。