早輪強哥返工唔係太忙，咁佢公司又係屋企附近，咁晏周佢都會返屋企食埋飯先至再行返去返工。
有一句養生古話「早餐要食好，中午要食飽，晚餐要食少」
咁中午依餐，我除佐煮面或者炒面，時不時都會煮個飯仔，整返味簡單的小菜俾佢。
唔想佢咁燜，就隔日煮一次面，隔日又炒菜同煮飯咁安排晏周依餐。
集合佐一個星期嘅幾次煮飯記錄佐落黎。
依日晏周就蒸佐一碟飯，兩公婆食。
蒸飯落水嘅量會少於飯煲果隻。
蒸飯時順手擺埋一隻自己醃嘅咸蛋。
睇下，十幾二十分鐘就蒸好一碟飯啦，蒸飯真係好味過電飯煲煮嘅好多㗎。。。
然后用一隻薯仔，切成幼絲，加埋一條麻辣腸，炒一個酸辣薯仔絲。
薯仔一個二蚊，麻辣腸一條五蚊，飯當一蚊計，咸蛋又當一蚊計，依餐盛惠九蚊雞，兩個人。
薯仔儘量切得幼D，切好之后再過多二次清水，等薯仔入邊嘅澱粉質衝走，咁炒出黎嘅薯仔就會爽口好多啦。
一個白飯，一碟餸，一個咸蛋，一個午餐。
--------------------------------------------
又再隔多一日，又煮飯仔。
係街市撞到有薄荷賣，買佐二蚊雞，加埋三隻蛋，當三蚊。
另外總有一D煮餸凈抵嘅餸頭餸尾，又炒佐一碟，唔識計幾錢，大約當佢五蚊到啦。
依餐計計埋埋，十蚊雞。
薄荷愛黎煎蛋，好香口㗎。。。。
餸頭料炒埋一碟。。。咸佐少少，失敗。。。。
一個快手易整嘅午餐。。。。
-------------------------------------------------------
另一日，五花腩半條6蚊雞，青椒幾隻唔計。
用豆豉蒜頭爆香五花腩，勁惹味。。。
脆肉瓜一條2蚊，用蒜蓉同一大匙自家制馬拉盞炒，又係好惹味。
依餐計埋，又係十蚊有找。。。。
其實生活真係豐儉由人，睇你自己點安排姐。。。
沒有留言:
張貼留言