食面

晏晝又佐前一日凈抵的半邊冬瓜，切佐啲餐肉一齊燜~~

買佐三隻巨大的蕃茄，晏晝用佐一隻，加埋三隻蛋，炒埋一碟`~

天熱，咁食法，真係清爽又開胃~~

買佐幾件豬扒，問強哥夜晚煮蕃茄豬扒，想配飯定麵。

強哥二話不說，即答「配麵」

話咁易啦，煮佐半包意麵，炒都費事炒，煮好的麵，俾適量嘅橄欖油同一細匙迷迭香乾入去撈均即可，不過要留意麵唔好煮得太腍，要預一個俾麵繼續變腍嘅空間，咁食嘅時候，先唔會因為焗得太耐而變得過腍。

然後另取一個鑊，先用少許油爆香蒜片，一分鐘搞掂。

原鑊，將事先醃好味道的豬扒「生抽老抽、黑糖、生粉、米酒、少許鹽」

落鑊煎熟，因是用平底鑊煎，所以先略煎至兩面金黃，然後加少許水，冚蓋燜二三分鐘至熟透，開大火收幹水即可。

總好保持得到肉汁嘅豬扒，又香又軟，好好味`~

甚至無需洗鑊，煎完豬扒，直接煮蕃茄，將切好的蕃茄粒倒入去，俾少少乾迷迭香，加入喼汁，茄汁，砂糖，少許鹽增加酸味（鹽能讓蕃茄增加酸度），加入清水，將蕃茄煮腍即可，無需煮得蕃茄太蓉，保留返少少原粒蕃茄肉，食起上來比較有蕃茄的口感與清香，比起罐裝蕃茄毫無個性的糊狀，新鮮蕃茄做成的醬汁好味太多太多了~~

五分鐘搞掂一大碟酸酸甜甜香香的蕃茄醬~~

麵，撈埋茄醬，香噴噴豬扒，總等？

起叉啦~~