食菜

前幾日返得嚟較遲，咁就開佐罐餐肉，煎香香~~

幾件腐乳攪蓉，落稍多少少嘅橄欖油，一細匙砂糖。

隔火煮一煮，即成香噴噴腐乳醬。

如果鐘意麻油香味嘅，可以熄火後再俾多幾滴入去，咁個醬總要香~~

清水，俾啲油，鹽，糖，煮滾水，然後碌熟通菜。

淋上煮好的腐乳醬，係咁簡單，係咁好味~~

咁又一餐~~

尋日，買佐扎辣椒葉，清水落一細舊薑，煮滾水後倒入辣椒葉，然後倒入醃過嘅肉片，煮熟俾鹽調味即成。

有朋友問過我，點解滾完嘅肉湯，都會有一層白色泡沫浮係湯面？

其實要解決依個問題好簡單，只需要係水完全滾起之後，先至倒入肉滾熟，咁就可以保證唔會再有果層肉沫浮係湯面啦。

道理好簡單，水滾起嘅狀態下倒入肉片，高溫之下可以瞬間令到肉表面收縮煮熟，咁就唔會再有果層白色泡沫產生啦。

極清的一個滾湯，清甜美味~~

煮多一個茄子煮肉絲，煮法我上上個星期做過，不過未得閒處理出圖片，下次再補做法啦，唔洗走油，一樣勁好味~~

短期內再煮多一次嘅餸，證明真係好味又易整，所以，又整腐乳通菜。

清清哋，多菜少肉，舒服~~