金菇、肥牛、大椒

食凈一碟仔咸雞，用薑蔥爆返香佢，起鑊前俾啲喼汁兜均，好好味㗎`~~

兩條青瓜，加埋肉碎炒做一碟，清爽~~

整個肥牛卷，最簡單最易整，又快手。

半包金針菇，少少三色椒，完全無需醃味道，直接用肥牛將一束金針菇或者三色椒絲卷起佢。

肥牛最好用稍肥少少都唔怕，煎好後食落無咁鞋~~

就咁係平底鑊開大火生煎至金黃色，需時大約一分鐘。

無需驚入邊唔怕熟，因為要冚蓋焗。

先煎嘅作用係令到肥牛卷企身定形~~

準備一支燒肉汁，燒汁好方便，配搭肉類，簡單地炒一炒都好好味。

我就係吉吉島買佐依款燒汁，依個系列嘅燒汁同肉燒好後嘅味道都好香~~

煎香表面的肥牛，落幾粒生蒜粒入去，然後倒入燒肉汁，少少燒酒，少少黑糖，幾粒鹽，三湯匙清水，煮一煮等肥牛熟透並入味。

只需冚蓋煮三分鐘左右，肥牛或者金針菇定大椒，都係好易熟嘅材料。

最後，將肥牛卷撈起置碟，剩下嘅醬汁，埋個生粉水等佢變濃稠，然後淋上肥牛卷上，依味餸即成。

全程基本上五六分鐘可搞掂，比起用焗爐整，咁樣先煎再焗醬汁嘅做法，最快手最入味，好好味~~

肥牛卷，比你想更理想~~

適合收工後無時間整大餸嘅快手小菜~~

強哥鐘意金針菇，我就偏向鐘意用大椒整嘅肥牛卷，食起上嚟更清爽無咁肥膩~~

凈抵少少肥牛，同一個薯仔，用孜然炒埋一碟~~

一個晚餐，話咁易~~