晏畫炒佐兩個小菜。天熱，以清爽簡單為主。
雪櫃凈有少少彩椒，加埋兩隻蛋，少少韭黃，一起炒埋炒埋又夠一碟仔。。。
簡單得黎，好香口，而且色彩繽紛，小朋友應該都好受落。。。。
真係東拼西湊的一餐，早一日買佐隻雞整白切雞，（有D檔主幫你殺佐雞，D雞雜都唔會俾你，我就會出聲話要返雞雜）雞潤同雞腎都一起蒸熟佐，不過我唔鐘意食白切嘅雞雜，所以留返到第二日，加埋D菜脯，蝦米，買佐隻有機辣椒仔，比普通長形青椒幼身，不過就好辣，再加埋D彩椒，用蠔油較味，又一碟好惹味嘅餸菜。
好惹味㗎。。。。
晚餐----
一個頗大嘅蕃茄切粒，一條青瓜切片，半條牛腱切片醃好味，少少蒜蓉。
我係好鐘意咁樣食㗎，熱天食好開胃。。。
凈得一個餸，似乎唔多夠，翻嚟翻去，得幾隻蛋係度，咁就焗個蛋啦。
二隻蛋，三隻咸蛋黃（自己醃嘅咸蛋，好細粒），一碗仔水。
乜調味都唔使，全部撈埋，入焗爐，焗熟。
老公就話好香口，我就覺得好腥，食佐一啖無再食，最後掉佐大半碟，浪費。。。。
都係愛嚟蒸先至好味。。。。
一個晚餐就咁~~
沒有留言:
張貼留言