台風中的家宴

前天挂八號風球，一早七點幾鐘被窗外的狂風暴雨吵醒。因為住得極高，感覺層樓似乎被風吹到有些少搖動。

撥開窗簾，大雨順便幫我衝洗乾淨外邊的窗戶。

因為每周三是家庭聚會日，雖然挂八號風球，不過奶奶已經煲好湯，因此所有兄弟都是風雨不改，雷打不動的準時回娘家。

上周聚會之后幾個叔仔就強烈要求我整牛腩返去，所以周二已經煲定一大煲牛腩，果日我係廚房幫手整野的時候，幾個叔仔已經係廳偷食佐好多，總好唔信咁走入黎問我「嫂，你係唔係去佐出邊買番黎嫁」

哈哈哈。。。我權當係對我的肯定。

 

奶奶用香菇蠔豉燜佐一個豬手，以南乳冰糖調味，用個汁來黎撈飯，正到閉~~

無乜新煮意既白灼蝦

奶奶日日必食既蒸魚，老爺係漁排拎佐條石蚌返黎清蒸，屋企雖然個個叫我阿嫂，但係最細粒係我，年紀最細又係我，連最乖果個都無意外咁係我，哈哈哈，所以係奶奶依邊，個個都好錫我，知道我鐘意食魚旗的部位，從來屋企既魚旗部分老爺都會第一時間夾俾我。

依條石蚌好肥美，係魚旗的邊邊位有一層厚厚的肥脂，一啖食落，魚油既香味加埋魚旗部位魚肉既滑嫩，依一啖，天下無敵~~

人生剎那感覺，真係無憾~~

老爺係西貢買佐隻雞番黎，奶奶用佐五香八角黎蒸，再整埋一碟薑蓉，又係極品~~

大肥雞呀。。。睇個皮都知此雞奶極品~

屋企個個都係食肉獸來既，奶奶係咁做下樣，整佐一個雜菜炒鮑片。

反而依碟我食得最多。。。成盤西蘭花我食曬~~

屋企有四個仔仔，除佐強哥有一個叻叻老婆識得係屋企煲下湯水，其它幾個細佬平日都係同女朋友係出邊解決早中晚餐，所以每周一次既家庭聚會，奶奶都會落足心機咁煲一大煲既老火湯，該晚奶奶煲佐老黃瓜赤豆湯，好濃好好味既一煲愛心老火湯~~

奶奶一早就俾電話我，老爺浸到一個好大好大既大青蟹，叫我早D返黎睇，所以一返到屋企第一時間走到廚房睇下依隻重「二斤半」既大怪獸~~~

哈。。好似寵物咁，綁佐條繩，唔俾佢亂走。。

僅一對鉗都足有一斤重啊。。巨型的怪獸。。。

老爺用佐水上人家傳統的煮法，蛋蒸蟹~~

睇下，一上台，幾受歡迎，個個都爭住趁熱食先羅~~

一小截既蟹鉗，足足有一罐啤酒咁大。。。。

上圖咁狼用個手搶佐最大個蟹既係三弟，無好誤會佢咁自私嫁，屋企個個細佬都係最乖既，三弟係幫阿媽阿嫂剝好個殼，好心黎嫁。。。

睇下，一小截螃鉗食晒，我個胃，已半飽啦~

大家庭係咁開心啦。。。。