我以前一直係用買既一包包既快速發酵粉，不過有一次已經發酵佐又用唔完既面團，唔想掉佐咁晒，就包好留係雪櫃，諗住夜D愛黎整其它面點，點知一轉頭又唔記得佐，咁舊發酵佐既面團就咁擺住係雪櫃，過佐一個星期先至睇到雪櫃有咁既一舊野，打開一聞，咦，一點都唔酸，總有一陣好香好香既酒味。
咁我估會唔會佢變佐係一直聽北方人講過既「老面種」？
咁就即刻試整一次包包。如果唔成功，都只不過係晒佐少少面粉姐。
將果舊面團用少少暖水開佐佢。
1，然后加入面粉同牛奶，都係自己估下估下加水同面粉，如果稀佐就再落多D面粉，如果硬佐就加多D水咁樣去搓面粉。個牛奶要少少暖果隻，將所有材料搓好，變成一個光滑面團。
2，然后係個鑊煲滾少少水，將上個步驟整好既面團擺入鑊里邊，蓋上蓋，等佢係一個溫度與溫度都好好既環境下發酵。
3，睇下，就咁樣一個團團。
4，依排天氣夠熱，D面團發酵得好快，才不過半個鐘，成個面團已經發酵得好靚。。。
好彩發得起，如果係就晒佐我咁辛苦去搓面既過程。
然后要做既就係將面團再搓細搓實佢，包成一個個包包啦。
我整佐幾個饅頭，睇下，個個都發到豬頭咁大。。。。未食睇到已經好開心啦。。。。
依次我又留佐一舊面團，專登留起佢等下次再整包用。
如果話老面種同快速發酵粉相比，我真係覺得老面種整出黎D包係好味D，食落一D都唔覺得有酸味，同埋好有彈性，而且帶有淡淡地，若隱若現地一股酒香味。
應該係果舊面團發酵過度，形成既酒味所致。
不過食落，如果唔係味覺特別靈敏既人，係根本食唔出果陣酒香味。
果次整佐椰菜瘦肉包。。。。
整得好D餡好嫩好滑。。。
不過淡佐少少，咁我又俾佐少少醋去沾住食，咦，又好鬼似小籠包咁既味啵 。。。。
真係搞笑。。。。不過強哥勁開心，話好好味。。。。
果一輪包上癮，過幾日，等個舊老面種又發酵完成，我又包多一次涼薯包。
就係用既圖1果種涼薯啦。
凈係用佐細細半舊，已經可以整到一大碗餡啦。
將涼薯切細細粒，然后同瘦肉炒香，最緊要係落豉油同胡椒粉較味，咁整出黎既包包就超好味啦。。。。
對於早餐既選擇，又點只係包包咁簡單。時不時，我總會整D芋頭糕啊，蘿蔔糕啊，馬拉糕啊咁樣做早餐羅。。。。。
係屋企食早餐，當然都可以咁豐富。。。。。
沒有留言:
張貼留言