美味住家餸---豉汁南瓜燜排骨

早輪係網上睇到依味餸菜，從來未食過用南瓜配排骨，而南瓜又係我好鐘意既一種食物，所以依日就買返黎試下個味道如何。

因為無食譜，係自己想當然地做法。

材料如下：

南瓜半邊、排骨一磅、蔥切段、薑、豆豉、蒜蓉剁蓉。

 

作法：1，熱鑊落油，將薑蓉、豆豉、蒜蓉，蔥白落鑊爆香

 

2，倒入排骨，落生抽老抽糖較味，炒上色。

 

3，落南瓜，加水燜。

 

4，燜既過程最好唔要過多翻個南瓜，因為南瓜熟佐一番好易變碎，差唔多收汁之前再將餘下既蔥段扔落去，開大火收汁，裝碟~~

 

蒜蓉可以略大粒，略多D，因為南瓜同蒜頭既味道係可以好襯，依味餸菜，又好味又易送飯尼~~

 

我無乜點食飯，凈食佐好多南瓜，依家D南瓜好甜好香。。。。

 

另外煮多一個豆腐，無乜好講。。。。

俾我煮到碎佐D。。。。

 

依晚既兩味餸~~

 

 

-----------------------------------------------------

第二晚，用面豉煙肉煮芽菜，好送飯。。。。

 

食凈少少叉燒，加埋隻蛋，少少韭黃，又係一碟餸~~

 

依排好熱，都懶得整乜餸，求其炒兩味搞掂`~~