住家菜---蜆公主辣舞蘿蔔王子、蝦將棒打豬八怪

早輪行經街市一檔雜貨鋪既時候，剛好撞到雜貨舖有新鮮到貨既蜆肉干，睇到好靚，即刻買佐半斤，都係十四蚊咋。

半斤已經可以用二三次啦，因為浸佐水之后會發大少少。

 

俾過電話問阿媽蜆肉點樣處理，原來需要先浸一浸水，然后將蜆頭果堆黑色既野取出黎，然后過多幾次水，將蜆肉入邊既沙儘量衝出黎。

然后拖一拖水備用。

睇下，我整得幾乾淨。。。

 

 

整佐依味「蜆公主辣舞蘿蔔王子」，其實即係辣椒蜆肉炒菜脯。

 

作法好簡單，落油爆香青椒，然后倒入蜆肉同蘿蔔干爆出香味。

最后落蠔油同少少糖調味即可。。。。

 

蜆肉同蠔油既味好襯，少少既辣意，咬起上黎帶有菜脯脆卜卜既口感，非常之香口惹味。

愛黎伴粥送飯，都絕對一流。。。。

 

另一味「蝦將棒打豬八怪」就更加簡單啦。

先用少少少少油，爆干身切成薄片既五花腩，然后將肉撈起，爆五花腩既時候，會出好多油，咁用返依D油，爆香蝦醬，倒入豆角炒軟，最后倒入五花腩略略炒一炒既可。。。。

又係勁好送飯既餸菜。。。。

 

兩味好適合夏季無乜胃口之時食既小菜。。。