住家菜---栗子燜雞（食譜）、蘿蔔酸、花花菜

基本上我鐘意食中菜更甚於西菜，其中又以味道濃鬱，口感簡單既肉類為至愛。

一直希望自己可以整D健康既餸菜，但係一餐半餐清淡少少既時候，自己已經首先無晒胃口，而阿強哥，更加口扁扁「無餸O既」~~~

唉，我個仔仔真係食肉獸黎架。。。。

依日買佐磅栗子，整栗子燜雞。

栗子先出出水，趁熱，將層外衣剝佐。

 

依味餸所有材料係「雞一隻斬件、栗子一磅、薑、蔥」

 

雖然係第一次做依味餸，不過煮慣餸既人大概煮餸的味道與步驟都大致能夠做得不致離譜，按自己習慣與熟悉的味道及方式去烹調這依味餸菜，味道鹹香之中帶甜。

 做法：

1，熱鑊落油爆香姜與蔥

2，將雞塊放進鍋裏炒至略為幹身。

3，加生抽老抽紅糖調味。

4，放入栗子與水，開始燜。

 

 

5，燜至快將幹水之前，再加入一大把的蔥段，淋上一細瓶蓋的白蘭地，開大火，煮至收汁。

喜歡口感滑一點的話，可以最後再埋一個芡入去，然後再回一勺的油兜一兜，不過我覺得自己係屋企隻，就無咁既必要。。。

 

（我鐘意最後一個步驟再加多一把的蔥段入去，咁樣食起來的時候可以食到一種更為清新的香蔥味道，而酒太早放入去的話就食不到淡淡的酒香，所以一般都係最後的步驟先加酒入去）

 

 

本來係打算斬個雞比雞亦出來，另外做鹵水，雞身先係用來炒栗子的，不過想想實在懶得分兩次整，索性一煲煮完，分成兩細煲，分兩日隻，咁第二日也只需要再炒多一個菜就夠了。

 

好唔好食，試試就知道。。。。

 

 

另外買佐一舊花花菜。

唔知點解，十幾年無食過佢羅。

后黎問阿媽，點解我地屋企從來都唔買花花菜食既？

阿媽話「我都唔鐘意食，咁就唔買黎煮羅，我唔買，你地就無得食羅」

 

噢。。。。。

花花菜先出出水，煮熟D，順便洗去花花入邊可能的蟲蟲。

 

 

然后加少少瘦肉落去一起炒，其實都幾好味啊。。。。

 

另外整佐少少蘿蔔酸，本來係要做零食既，點知強哥話要送飯，咁都得。。。。。

 

好爽脆架。。。。

 

咁又一餐啦。。。。