當焗爐還不是那麼普及的時候，媽咪試過用一個架子，上下都放著二個鐵盤，然後上下都擺D燒熱佐既碳，做成一個簡易版的烤爐環境，簡單的焗D蛋糕同埋曲奇餅。依种方式發生在我還是很小很小的時候，早就沒有了印象，聽媽媽形容了許多次也想像不出來具體的操作方式。
事實證明，如果有了製作的基礎，實施完成的過程，是絕對可以靈活變通的。
我出世無幾耐，焗爐就大量出現，我屋企早早就備佐一部，所以細個果陣時逢年過節，都會全家總動員，用一日的時間，做出一大袋的蛋糕及曲奇餅， 通常媽媽負責備料，我同家姐負責打蛋依類工夫，（當年邊有打蛋機，都是用最簡單的那種手動打蛋器不停的打到發起，所以必需要二個人輪流不停咁打），晚上爸爸收工返來，負責睇火，「年」的氣氛，就是由年前那种家人齊動員的時候開始慢慢變得濃郁起來。
現在滿大街的點心舖，家人再也沒有了當年自已做蛋糕的心思，想食直接去買回來就是，尋日一個朋友問我關於電飯鍋製作蛋糕的方法，我雖然無用電飯煲做過，不過媽媽當年可以用柴火或碳都能作出來美味的蛋糕，我現在有這麼多的製作工具，無理由做唔出來。
話做就做，中午就開始整，咁聽日強哥就有蛋糕做早餐啦。
用既係當年阿媽教我的方法。當年物資貧乏，自家整蛋糕，用的材料最簡單不過。亦都無乜量稱去具體量化材料，當年我們每次做蛋糕都用十個以上的雞蛋，一次能做出好多好多個，考慮到我係試做，而且屋企既電飯煲太細（才0.5升),所以我依次只用佐三個雞蛋.
如下圖所示的材料:
1,雞蛋三個(蛋白蛋黃分開,用既係室溫的雞蛋)
2,低筋面粉適量 3,椰漿一小碗
作法:
1,將蛋黃還有椰漿與面粉拌勻,當年媽媽就是用的普通面粉,那個時候面粉邊有高低筋之分咧,不過現在有條件,當然用更好的材料,我係隨便落的面粉,較成大概下圖果樣的稠度就差唔多啦.
2,然后處理蛋白,落佐四匙梗的糖入去,用既係下圖果種手動打蛋器打既，較之電動打蛋機，更方便保存，操作簡單。
睇下，我用佐大概三四分鐘，就將蛋白完全打到發起啦~~
3，然后將蛋白小收的同蛋黃漿撈勻，撈既動作要上下來回撈，輕力D，咁面粉就唔會起筋，唔會影響蛋糕既口感。
4，跟住將撈好既蛋漿倒入電飯煲度，如果驚痴底太勁，可以先係煲底抹一層油。
5,有D電飯煲直接就會有整蛋糕的功能,我用緊既依款係無的,所以我就直接開佐煮飯制，當煮飯咁樣去煮蛋糕.同埋要係出汽位擺一舊仔布,作用係擋住出汽,增加入邊的溫度同壓力.
過佐十分鐘左右,電飯鍋就顯示加熱完成,進入保溫狀態,我俾佢冷卻一下(乜都不要郁,保持保溫狀態就得啦),然后再繼續按下煮飯制,如此這般,重複二次,(即係話,一共按佐三次煮飯制).
噹噹噹噹~~`電飯煲版既蛋糕出爐啦`~
最后個結論係「用電飯煲整蛋糕係無問題既！」
但始終用電飯煲整唔學得用焗爐咁整香，最后我都要將個蛋糕再入一入焗爐焗返香口D，咁成個蛋糕既蛋香味先至出番黎。
睇下，再焗一焗過既蛋糕，無論係口感或者味道，都香好多好多~~
個蛋糕做得算係成功~~好鬆化，而且都唔會干陣陣。。。
最可惜係我係用刀切出黎，個邊位有D實，表現唔到佢好鬆化既一面~~
不過蛋味加佐椰漿既味道真係好香~~自家制既蛋糕，無任何化學添加劑，屋企小朋友食落都放心好多~~
沒有留言:
張貼留言