細細個果陣時，最高的溫度不過是三十一二度，已經叫苦不迭，近年動輒就是三十四五度，行出室外簡直焗熱得叫人無法忍受，家中的冷氣更是跟著人的活動範圍而全天候待命，外出購物也集中在二天一次，無咩事都係待在屋企最舒適。
已經被寵壞，一點點的熱度，都無法忍受。
天氣太熱，胃口不振，每天只是弄些簡單的菜式。
一，蕃茄炒蛋+姜蔥冬瓜熗臘肉
蕃茄炒蛋，永遠的經典。。。
姜蔥冬瓜炒臘肉
媽媽買佐好多臘肉俾我，最近輪著煮。
冬瓜更是近日菜場的主角，行到邊都可以見到佢。
作法：臘肉肥的部位真豐富，切開剁成小粒，將肥脂部份爆出油，剩下油渣，用爆出來的豬油爆香姜與蒜沫，再倒入冬瓜爆炒至軟，倒入余下的臘肉炒勻，起鍋前加入蔥段炒出香味既可。（臘肉炒二炒就熟，所以最後才放）
勁好送飯既一味菜~
二，肉丈碎炒青菜+梅菜蒸肉餅
唔知道具體佢應該叫什麽？
小時候媽媽經常用來滾湯，系街市看到有依種青菜賣，就買了壹小包黎試試。
洗開來，得細細壹碗仔，盛惠十五蚊，以青菜而言，算貴的。
幾清甜~
實在唔想傷腦去想整D咩既時候，隨便蒸碟肉餅，肯定皆大歡喜~~
三，尋晚的菜式：豬頸肉炒翠肉瓜+蒜蓉炒卷心菜
自細要求就唔算高，每餐飯唔需要好多的菜式，只要有壹碟仔我至愛的肉片就足夠了。
尋日起身得早，系肉檔買到好大壹舊新鮮豬頸肉，用我至愛既味道去醃制，就算唔系豬頸肉，普通的肉片同樣的材料去醃，味道都會異常的美艷。
材料：生粉壹小匙，蒜沫，姜沫，紅糖，米酒壹小匙，生老抽一小匙
先將豬頸肉炒熟炒香，就咁睇，係唔係好吸引人咧。。。送公仔面都係一流嫁。。。。
凈係食肉太寡，所以切佐一條翠肉瓜入去，翠肉瓜吸埋豬頸肉既香，加埋自己本身既清甜，正~
食多D青菜身體好~~
尋日一早起身突然勁想食饅頭，即刻開工搓面發面。一個鐘左右就食到新鮮滾熱辣既饅頭啦。。。切開一半，擦D花生醬同練乳落去，正過M記D包包啦。。。
依次整饅頭，我唔用白糖，而係用紅糖，所以整出黎既成品會帶有微微紅糖特有的焦香味，而且我勾佐D低筋粉落去，食落既口感帶有一種煙煙韌韌既感覺，我鐘意~~
今日早上強哥既早餐~~「奶醬紅糖饅頭」
沒有留言:
張貼留言