快過快餐---蒜泥白肉

五花腩無論點整，都會好好味。

今晚用最快既時間，以五花腩為主角，整佐一味開胃小菜。

「蒜泥白肉」

主要的調味汁只係二種。

「涼拌汁」---我係深圳搬佐幾支番黎，香港我搵佐好多地方都搵唔到，依种醬汁酸酸辣辣，熱天用黎整涼菜最適宜最方便。

「蒜蓉」其實如果唔懶，自己將蒜頭剁碎，用少許鹽醃一醃再落滾油泡一泡，個味同依個牌子的蒜蓉味係根本一樣的。

蒜泥白肉的好處在於佢的簡單好味。最直接可以食到肉的味道。

成舊五花腩放入白水度烚熟，撈起雪一雪佢方便切片。

食之前切好片，淋上用上邊二种醬汁混合而成的蒜香汁，就咁食得啦~~

 

 

之前開佐個豆豉魚罐頭黎炒油麥菜，炒菜就用D比較散細的魚肉就得啦。留佐比較齊整的二舊仔落黎，今晚蒸一蒸佢，又係一碟~~

我真係持家有道~~

 

烚肉剩低既水好清甜，順手烚佐一個生菜，淋點蠔油，今晚有肉有菜，營養搭配得剛剛好~~

 

基本上二十分鐘之內依餐可以食得，係咪好似快餐咁快咧。。。