蒸功夫---梅菜蒸豆腐+清蒸茄子

天氣已經好焗熱，無乜胃口食果D大魚大肉的油膩食物，所以最近我屋企的餐桌都比較清淡，前晚蒸了二個小菜，現將做法一並附上。

一，梅菜蒸豆腐

強哥超級鐘意食梅菜，所以我會換著法將梅菜加入菜式當中，該晚打算用蒸的方法烹調，買來一塊布包的豆腐（較硬身，適合蒸煮）。

做法：1，先將豆腐用滾水浸一浸，去除豆腥味。

2，梅菜洗凈後剁碎，為了更香更入味，我先用油爆炒一陣間D梅菜，並加入一DD糖及蠔油調味。 （我用的係甜梅菜，本身已有鹹味及甜味，不過我浸既時間長佐點，所以再加點蠔油同埋糖增加味道）

3，將炒香的梅菜與豆腐撈勻，就可以上鑊蒸七八分鐘左右。

 

為了節約能源，該晚我準備了二道蒸菜，可以同時上鍋烹煮，另一道蒸菜就非常非常簡單啦，茄子去皮切塊，上鍋同蒸。

睇下，蒸出來的豆腐，本身的滑嫩帶加上吸收了梅菜的鮮香，真係一道又營養又好下飯的菜菜呢。。。

另一道蒸茄子就沒乜技術含量啦，直接削好皮切好段上鍋一蒸即可~~

主要是調味的醬汁，我的醬汁做法：“蒜頭剁蓉，落鑊用油爆出香味，然後加少少陳醋，加DD仔生抽，加少少糖，加少少油潑辣椒，就成為佐最簡單又開胃的甜酸醬。”

 

 

將醬汁淋在蒸好的茄子上，依味菜就完成啦~~

既簡單，又開胃~

 

為了滿足強哥果個食肉魔的喜好，另外炒佐一碟仔的五香豆幹炒臘肉，用姜蔥去炒~~

是夜我們的晚餐組合~~

簡單清爽~~

 

再黎講講尋晚的晚餐。

夏季嘛，多以消暑開胃的菜式為主，煲了個瑤柱冬瓜骨頭湯，自家煲的湯水就係真材實料，唔會添加味精，強哥飲佐二大碗~~

 

梅菜仲有少少，用來蒸免治豬肉，一流~~

另外用面醬炒佐一個涼瓜，夏季食涼瓜應季又消暑，好野黎嫁~~

又係好簡單既一餐住家飯~~