三色甜椒XO醬爆帶子

之前一日食紅燒肉食到個胃唔舒服，不過好彩瞓醒一覺又乜事都無啦，咁就繼續飯照食，餸照煮啦。

無去街市，係樓下求其買啲餸。

買佐包急凍帶子。融佐雪之後，用胡椒粉豉油糖酒醃一醃入味。

 

雪櫃有一包三色椒，切條條。。。。

我好鐘意食依類甜椒㗎，當菜咁食嘅，佢嘅維它命C好強勁，食多有益㗎~~

 

帶子落鑊猛火煎至兩邊金黃，盛起備用。

見有啲少，切多幾條面粉制嘅蟹柳加埋落去。

然後原鑊用油爆香蒜頭，倒入甜椒，落少少水炒軟身，落XO醬同少少鹽俾味，最後倒入帶子入去兜幾下，裝得碟。。。。

 

好香好惹味嘅三色甜椒XO醬炒帶子，就搞掂啦。。。

連強哥都話啲味好好啊。。。。

 

蒸多碟飯，前晚食凈嘅萬惡紅燒肉擺面一起蒸熱，咁就一餐啦。。。。