依日嘅早餐好豐富啊。。。
有豆漿，用嘅係細粒黃豆，係一個親戚無事係自己屋企後院種嘅黃豆，絕非轉基因黃豆，所以個樣生得唔靚，但係豆味濃，絕非一般市面嘅由大大粒靚靚黃豆整出嚟，但係全無豆味嘅豆漿可比。。。。。
再加埋足料生炒糯米飯，早餐夠哂豐富了掛~~~
晚餐
煮一味魚香茄子。
魚香茄子其實係完全無魚嘅。個古仔好似我以前講過，就唔重複啦。。。
做法好簡單
先將茄子滾刀切，然後上鑊蒸十分鐘至熟。
準備料頭
甜面醬+郫縣豆豆瓣醬、芫莤蔥、薑蓉蒜蓉
除芫莤蔥之外，用油爆香其它料頭，倒入免治豬肉炒碎，倒入茄子拌炒，俾少少糖中和個咸味，少少醋，加少少水入味，起鍋前落小小生粉埋芡，熄火後倒入芫莤蔥，搞掂~~~
煎多兩個荷包蛋~~
美味~~~~
沒有留言:
張貼留言