香椿煎蛋

荃灣真係乜古怪嘢都可以搵得到。

早輪去荃灣買嘢，順便行佐轉街市，俾我發現有賣新鮮「香椿葉」賣。

一路聽聞好好食，自己就未試過，咁就買佐一扎返嚟試下。

凈係要個葉，一扎撕出嚟，都係得一細細碟。

將佢清洗乾淨。

香椿葉其實就係「椿樹」枝頭最嫩嘅嫩葉嚟嘅，我係網上搵到一張圖片，係樹上就咁嘅樣。

我其實都唔知應該點食。

咁就將佢洗凈之後剁碎，落油先炒一炒出香味。

然後打兩個蛋，蛋發開，落少少雞粉俾味，然後就倒入炒香嘅香椿葉度，一起煎熟。

 

咁就煎成一個蛋餅嘅樣啦。。。。

知道強哥實唔會鐘意，我都係想自己試食姐，所以就晏畫炒埋一碟嘅香椿煎蛋，就咁食埋佢。。。

個味，真係幾怪下。。。。。。

不過，回味之後，感覺又幾得意喎~~~~

都叫試過啦。。。。