國慶中秋齊齊過

國慶對我嘅感覺係好遙遠，無乜特殊意義，最開心係老公有假期。

尋日國慶返奶奶度，提早做節，中秋並埋國慶一起做。

因為係做節，阿叔同大伯大伯娘都過佐嚟，人多做節熱鬧哋，開心哋。

老爺尋日好開心啊，買馬贏佐萬幾銀，唔知會唔會請大家飲下茶咁咧。。。。不過中佐馬嘅人，打麻將原來係會輸錢㗎，尋日老爺打麻將幾乎無叫過胡。。。。。

我同老公都唔識得打麻將，次次返去，兩公婆埋堆聯機打PSP，大家打下麻將，打下機，嘻嘻哈哈好快又過一日。

晚上果餐就豐富羅，老爺係漁排帶佐條大青斑返嚟，足有十斤重，養佐都有四五年羅，咁大條魚，唔知養佐咁耐，會唔會有感情咧。。。。

咁大條魚，斬成一碌碌，有排食了。。。。

尋晚老爺就用佐一細舊仔，整佐個叫做「麒麟蒸斑片」嘅菜式。

一塊斑片，一塊火腿肉咁舖好，蒸熟之後，淋爆香嘅蒜蓉同豉油上去。

原來魚同火腿都可以好格㗎，咁樣整真係幾惹味。。。。

老爺收收埋埋原來總有咁多好嘢我未食過啊。。。

果皮蒸鮑魚仔，都幾大隻啊。。。。

蒸好之後又係淋上蒜蓉香蔥爆香嘅配料，美味。。。

 

買佐九隻龍蝦，係香港本地飼養嘅龍蝦，唔係外國果哋，口感會爽好多㗎，奶奶將佢開邊蒜蓉蒸。。。

原來奶奶有個咁大個嘅盤，可以一次蒸完。。。

 

肉汁豐富，口感爽甜，正~~~

青斑一部份斬成一細舊舊，先沾粉炸香酥，再落香菇肉絲加面豉燜熟。

古法製作。。。。又係好好味，奶奶整嘅。

奶奶整嘅香菇燜鴨腳。。。。

 

買佐隻大油雞，新鮮雞嘅雞味係濃哋，不過尋日唔知係未做節，要成百七蚊隻雞，真係貴。。。。

旺角街市買新鮮雞平好多。。。奶奶係官塘街市買，貴好多。。。

知道奶奶會整白切雞，我就整佐自己秘制嘅薑蔥豉油過去，咁就唔使奶奶再整薑蓉啦。。。。

 

清清地，一個西芹甘筍腰果蘋果墨魚片雜雜炒

我提早一日，整鹵水

鹵水牛腱，鹵水蛋，鹵水鴨亦，鹵水鴨胸。

阿叔同伯娘唔知，食到個個話好好味，問係邊度買嘅，奶奶話係我整返嘅，個個都唔信添。。。。

湯，奶奶煲佐花膠螺頭湯，勁好味。。。。

我一共整佐三份醬汁返去，鹵水汁，蒜蓉糖醋汁，薑蔥蒜蓉豉油汁，搞到個個食之前都要問「嫂，依碟點邊個汁啊」。。。。。

 

好豐富好滿足嘅一餐。。。。