主題係海帶---海帶綠豆沙\涼拌三絲

HI~~提多次,依篇食譜都係電腦自動發送㗎....

唔知我返佐未咧...不過照慣例,就算返佐,都會懶一排唔會POST新食譜㗎啦,咁電腦總有存貨,就一次過寫埋佢.

 

好耐好耐前影嘅相啦.

海帶,日本人講嘅昆佈.細個時好抗拒佢嘅味道,但係長大之後,莫名變得鐘意佐佢添.

係街市買佐咁樣一卷卷嘅乾嘅海帶.用之前需用水浸發.

一次用一塊就夠了,因為會發得好大.

通常我會將佢卷卷卷成一卷,再橫切成絲.

咁樣就可以用來煲湯或者炒餸食都得啦.

(因為我自己都係近依兩年先知道海帶嘅處理,所以我當都有同我一樣唔識得海帶嘅朋友,一樣影抵相俾大家參考下啦,一早識得海帶為何物嘅朋友就唔好笑我咁都好影相啦)

 

海帶我最鐘意嘅係煮綠豆糖水.

我煮綠豆糖水,鐘意加埋其它嘢.

除佐綠豆,我會落少少糯米,少少喬麥粒,少少果皮.

有糯米個糖水口感會滑好多,喬麥係粗糧,食佐可以清一清腸胃,而且對整體嘅味道唔會有影響,食起上嚟會有一种"卜卜脆"嘅口感,同煲得綿綿沙沙嘅綠豆,有一种好有趣嘅呼應.

熱天我經常都會煲綠豆沙俾屋企人食㗎.....

不過最慘係我到依家先至POST出嚟.....

不過天氣凍凍哋,熱食綠豆糖水,都別有滋味㗎~~

 

好香好正嘅海帶綠豆糖水.....

 

 

海帶另一食法,涼拌.

材料有"粉絲,海帶絲,甘筍絲,蒜蓉粒"

加陳醋,少少糖,少少雞粉,少少麻油,撈勻,就係最好味嘅涼拌三絲了.

愛嚟解決屋企嘅邊邊角角碎料最一流.....

 

擺入雪櫃雪一雪再食,總好味㗎~~