多數人都會尋找自己身上與別不同嘅特徵去令自己相信自己嘅特殊以增強自身嘅信心。
聽老人家講，頭頂有兩個轉嘅人，脾氣好硬頸，頭發硬嘅人，多數好固執。
自細就好留意別人頭頂上有幾個轉轉，多數人得一個轉，有啲人有二個轉。而我，有三個轉。
剪完頭發阿媽一定要我再洗過一次頭先至可以食飯，試過多次因為頭發屑較短，就變得好硬好彈而唔覺意下篤穿皮膚，好牙煙，阿媽成日驚我飛完發會唔覺意食佐發碎。除佐硬，「多」都係好恐怖嘅一件事，我一個頭發嘅毛囊可以生四到五條頭發，以至於如果梳馬尾的話，地心引力關係，甚至能夠感覺到頭不自覺會向後傾。
基於老人家一種傳統嘅睇法，對於自己身上嘅生理特徵不得不加以留意，需要提醒自己，放鬆情緒，避免過度執著。
----------------------------------------------------------
買佐斤芽菜，買佐條叉燒，切佐少少叉燒，用面豉炒佐一個叉燒芽菜。
炒得剛剛好，好爽脆，又無豆腥味。
之前一日嘅咖喱羊架，羊架就食完，凈返個汁同埋D豆豆，咁就加埋雪櫃凈有嘅少少紹菜落去，咦，又幾好味，一個紹菜咖喱煲就完成了，要汁撈埋飯，一流。
「請忽略煲邊嘅不潔現象。」
果日又煲佐牛蒡湯啊，而且依次加佐二個雪櫃擺佐幾耐下嘅蘋果落去，嘩，啖湯總甜總香啊。。。。
兩餸一湯，白飯任裝~
--------------------------------------------------------------------
做佐師奶之後數口真係精佐好多。
之前一日係專登買斤芽菜同叉燒，為嘅係第二日嘅果餐。
想食炒米粉，炒米粉當然要落埋芽菜先至好味，咁芽菜又用得少少，所以就提早一日買定芽菜，先炒一碟，再留返少少第二日炒米粉用。
叉燒都係為佐第二日而提早買定，咁第二日就唔使再落街。
依日炒星洲炒米。
準備：
1，先將米粉用凍水浸腍，滴干水。
2，咖喱粉用水加生抽開好。
3，將米粉落鑊炒一炒，倒入咖喱水，再落少少生抽較味。
（買佐隻新米粉，之前未食過，原嚟好唔掂，一炒就碎到乜咁，不過另一方面，可以安心嘅就係依隻米粉係無添加過「塑膠粉」嘅，所以先至咁易斷。買米粉，太白又驚加佐營光粉，太硬又驚加佐塑膠粉，你話點買先至安全咧，以前食開新竹米粉，睇怕以後都係咪改，都係買返食開果啲先得）
4，提前先將材料炒香。我就用佐叉燒切絲，芽菜同甘筍絲，蛋絲幾樣配料。
真係好碎好碎啊。。。。
所以不能叫星洲炒米，應該叫佢星洲炒碎碎米~~~
不過味道好正。。。。。
再加埋隔夜湯水一煲，一個米粉一個湯，兩人食到捧住個肚仔~~
沒有留言:
張貼留言