朝早整佐份三文治做早餐。
強哥喜歡食蛋，就俾佐厚厚的蛋入去，薄薄地切佐幾片午餐肉點綴一下味覺，面包稍稍焗了一陣，一份簡單好味道的早餐三幾下功夫就做好啦~~
餐蛋治早晨全餐~
好多人會因為豬腳中過高的脂肪及膽固醇而產生強烈的罪惡感。
看過相關的文獻記錄，其實豬腳的脂肪與膽固醇相較其它部位反而係最少，反而係佢本身含有豐富的膠原蛋白，對於女性的皮膚及骨質裏的骨膠原液係有非常正面的補充作用㗎。
具體的醫學理論我唔係咁明白，不過大致知道，人體骨關節的地方，會有一層做為潤滑作用的液體係度，如果果層潤滑作用的液體不斷流失，而又得不到補充的話，骨頭與骨頭之間就咁生硬地磨來磨去，（經常會聽到自己骨頭卡卡作響，咁就有可能係果層液體正在流失，骨頭磨得好交關添啊）長久落嚟就會形成關節痛了，進食骨膠原豐富的食物，有食療的作用，雞腳豬腳的，都屬於骨膠原特別多的食材，所以偶爾食用，於身體反而大有益~~
尋日買佐兩條豬手，無咩肉，就係皮多。。。。
睇下材料「豬腳適量、南乳一大磚、姜與蒜適量、蓮藕與花生適量」
豬腳我先碌一碌過水，咁樣容易清理上邊的毛發~~
報撥毛都撥得我眼冒金星，一邊撥一邊不停反胃做嘔，我聞到生肉的味道就頂唔順，好彩條豬還比較童年，都不算太多太硬毛~~
所以依味餸，有血有淚㗎~~
做法：
1、先用油爆香姜與蒜
2、倒入南乳，用油慢慢炒出香味，可以適當加少少水炒散。
3、倒入豬腳一同翻炒
4、倒入蓮藕與花生繼續翻炒
5、落生抽老抽，冰糖，料酒，落足夠的水，燜至肉皮酥軟即可~~
其實燜嘢嘅餸真係特別容易，將所有材料掉入去加水燜煮就係㗎了，無乜難度~~
同埋，一般我都會落冰糖，因為老一輩的人都認為，冰糖會更容易讓肉質變得酥軟~
燜出來好大一煲。為佐控制強哥果個豬腳狂，我要不時提醒佢「少食肉，多食菜」
專登用個細啲嘅碗裝出來，用心良苦吶~~
吸收佐豬腳的日月精華，加上南乳的香味，依味餸最美味的，係蓮藕！
為佐分散強哥對南乳豬腳的高度關註，我特別整多兩個菜。
用蕃茄豆芽與肉片，滾佐一個湯，酸咪咪，好多豆芽，先飲個湯食下豆芽，胃就漲佐二成~~
再來個肉絲炒油麥菜，繼續分散強哥對豬腳的依戀~~
全家福~~
沒有留言:
張貼留言