青菜蘿蔔同黃金相比，邊個嘅價值更高，自不言而喻。
人類一早過佐「以物易物」嘅年代，取以代之，係用一啲全國上下認可嘅形式去代替物品的價值，以方便物品做為流通嘅手段之一，而依個就係貨幣出現嘅最基本作用。
身邊好多朋友未必能夠意識到「黃金」嘅作用。
以香港為例同大家分享下貨幣嘅作用，港幣凈係在本港印製流通，局限於香港本土嘅交易所需，你拎住港幣去到外國，係無辦法實現佢嘅價值換取你所需物品㗎，因為外國商家唔一定會認同港幣嘅價值，你首先要去一個地方兌換本地嘅貨幣先可以發生交易。
咁全球咁多種貨幣，就好需要一種全球都認同嘅形式做為一個標準去體現物品的價值，因此，就衍生佐以「黃金」做為一種國際認可嘅「貨幣價值」嘅形式了。
簡單嚟講，即係當你手上嘅港紙在國際上貶值到一文不值嘅時候，你手上嘅黃金，就可以做為最後嘅支付手段，在國際上做為貨幣流通了。
因此國際上所有嘅國家，都必定會有自己嘅黃金儲備，依個都係最直接可以體現到自己國家實力嘅表現之一，目前全球儲金量最大嘅國家係美國，中國近年都開始致力於依方面嘅儲備，香港都當然會有自己嘅儲備。
大至國家都有儲金嘅習慣，細至我啲小家庭，其實都好應該有依方面嘅認知。
因為知之甚少，所以香港年輕一輩會覺得金好老土，除佐係婚嫁時嘅先會出現嘅一種道具，平時對金器嘅態度，係完全無所謂嘅。
其實作為投資作用去購買黃金嘅形式係其它國家有好多選擇，依點本港銀行對依方面就無乜太多推介，新聞又話市面上嘅假金越來越多，咁總邊敢隨便係街買金做為保值啊。如果銀行推出，譬如薄薄一塊金片，無需好似金舖咁要支付手工費，凈係俾金本身嘅價值，售值比較平民路線，譬如五百或者一千就有一塊嘅份量，人人都買得起，咁平時當儲值咁購買，都係好好嘅一種投資方式嚟㗎，起碼點都有啲嘢係手睇得到嘛~~~有心嘅市民，可以趁金價低嘅時候，多有多買，少有少買嘛~~
咁都可以俾年輕人形成一個更好嘅投資或者儲蓄意識㗎~~
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
尋日晏晝，炒佐一碟仔椰菜~~
豬手終於全部解決，食佐好幾餐啊~~
尋日買佐一扎菠菜，勁大一扎，都係四蚊咋~~~
菠菜含有較多草酸，所以煮食之前最好可以出一出水以去除部份草酸對胃部造成嘅負擔。
因為一扎真係好多，所以一扎菠菜四蚊雞，作兩份食。
浸多少少粉絲，同出過水嘅菠菜，取一細部份，用「黑醋、砂糖、麻辣醬、麻油、生抽、蒜蓉」撈勻，整佐個-----「涼拌菠菜」
勁開胃~~
另一大部份嘅菠菜，一樣出一出水，然後用紅蔥頭同少少食凈嘅午餐肉炒埋一碟，好清爽㗎~~
整肉餡餅凈返少少肉餡，咁就用佐兩粒雞蛋，一粒咸蛋，蒸返個「蒸雙蛋」
除佐蛋同肉餡，無額外俾調味，因為肉有調過味，咸蛋又有咸味，我覺得已夠味。
整涼拌菠菜有少少粉絲，我又剪埋少少入去一起增加口感~~
想蒸蛋嫩啲，咁落水就多啲，我想食比較實，有蛋味嘅蒸蛋，所以蛋同水嘅比例，大約係1：0.9嘅比例。如果想食到好滑好滑嘅蒸蛋，最好蛋同水嘅比例，係1：1.5，咁蒸出嚟就一定好稀好滑。。。。
我用另一個碟蓋上去蒸蛋，三個蛋，蒸大約10分鐘。
我鐘意豉油味，所以蒸好嘅蛋，會淋少少生抽~~
依味餸大約成本都係5蚊雞~~
同我想像嘅口感一樣啊。。。都一樣好滑㗎，一啲都唔會老~~
四蚊菠菜，五蚊蒸蛋，加埋其它當齊頭十蚊左右，已經有三個餸啦~~~
雖然依餐飯表面成本係好低，但係當中包含我嘅心機同對家人口味的調配，樣樣都咁好味，所以其中嘅價值，絕對好高貴~~~
「我哋嘅低成本高價值全家福~~~」
沒有留言:
張貼留言