開張大吉

四弟兩公婆係紅磡廣場開佐間時裝舖。

今日開張大吉，一早挑好時辰正式開張。

同強哥一早起身，過去舖頭，開心下~~~

做為大哥大嫂，要有表示嘅，訂佐個花藍賀一賀佢啲新舖開張，娘係娘啲，不過好意頭，大家開心下咁啦。。。。

間舖整得好靚啊。。。。

阿四嫂係有眼光嘅，睇到啲貨都好靚，走比較成熟OL路線，韓日貨，絕對唔係內地果啲翻版貨可比。

開係「紅磡廣場地庫B88號舖」，若住附近或返工附近嘅朋友，不妨前去選購~~~

幾靚㗎啲衫~~~

 

開張有燒乳豬食。。。。。

老爺主持大局，揮刀斬豬~~~

動作純熟~~

斬得幾靚。。。。

夠豪，大大一舊~~~

食燒豬，配埋四弟係澳洲帶返嚟嘅靚紅酒~~~

咁先係啊嘛。。。。。

搞完一輪，時間尚早，約埋老爺奶奶樓上「盜香」飲茶。

味道一般之下，不過志在同老人家飲下茶，食物質素無乜要求。

歡迎各位街坊朋友，得閒嚟舖頭座下啦。。。。

地址係「紅磡廣場地庫B88號舖」

ha ha ha.....容我做下小廣告啦~~~