老爺同奶奶因為世代都係水上人而走埋一切，不過傳到嚟強哥依一代，水上人嘅概念經已式微，強哥連游水都唔識，甚至連食魚都經常會被骨梗，所以所謂水上人嘅後代，怕係連提都覺得慚愧了。
奶奶經常想將疍家人特有的飲食文化教多啲俾我，我都儘量記多啲，抄返幾年前嘅圖片，發現一組奶奶示範整魚膠嘅過程，整理下，擺上嚟BLOG度與眾同享，俾有興趣嘅網友，都有一個了解同參考嘅途徑。
膠魚奶奶話，最好買又肥又短果種，比較能夠打得出膠，不過最近嘅天氣較熱，魚比較瘦，好難打得出膠質，要等天氣稍涼，啲膠魚先夠肥，所以熱天奶奶好少打魚膠。
過程圖如下：
奶奶話，用鹽水去打魚肉，除佐係俾味，總係令到魚肉起膠嘅關鍵。
鹽水唔需要一次倒哂，可以逐步加。
打到起膠就可以唔洗再落鹽水。
如果係想整魚蛋，就可以：
所以奶奶讓煎讓三寶，或者讓苦瓜，我從來未見過佢係用豬肉嘅，全部都係用魚膠，好爽好彈牙㗎。。。。
依類傳統老一輩人最熟悉嘅作法，如果後人唔去記載唔去學習，慢慢依種文化，就會消失了，所以加以記載並廣為告之，係想多啲人可以了解並且有機會嘗試佢，咁先至長食長有嘛。。。。
沒有留言:
張貼留言