之前一晚食凈有一條炸鯪魚，咁就買佐一條苦瓜，加埋啲豆豉醬，蒜蓉，炒埋一個豆豉鯪魚炒涼瓜。
先爆香蒜頭同豉醬，然後倒入涼瓜炒入味，最後倒入炸鯪魚，倒少少水略燜，最後埋個芡收汁，又香又惹味。。。。
滾一個湯。
先炒一炒蕃茄，然後加水煮滾。
蕃茄水滾後，加入勝瓜，加少少醃好味嘅免治豬肉，滾一滾，熄火後俾少少雞粉，啖湯搞掂。
勝瓜好清甜好清甜，加埋酸咪咪嘅蕃茄，雖然係滾湯，我都覺得好好味~~~
炒韭菜。
韭菜一炒得太熟就會好韌，如果唔怕韭菜天然嘅果種辛辣感，炒韭菜最好係猛火炒至七成熟，等餘溫再焗到韭菜熟，咁炒嘅韭菜，又爽又嫩又好味。
韭菜本身已帶有濃洌嘅辛香味，所以炒韭菜通常唔洗再俾薑或者蒜一類嘅提味嘢，我食過最好味嘅炒韭菜，係最簡單的一味「豬油炒韭菜」，凈以豬油猛火快炒一二分鐘，少少鹽調味，果种甘香與嫩滑，係天下無敵㗎。。。。
兩餸一湯~~~
沒有留言:
張貼留言