住家小菜---梅菜豆腐煲

返佐黎幾日，先將出門前整過D食譜寫出黎，如果唔係到時D圖片又無晒啦。

 

整佐份梅菜豆腐煲，好惹味好實惠既一味小菜。

係街市買佐份炸好既豆腐，三蚊份，三大舊。

買返黎先用滾水煮一煮走表面既塵跡同埋油脂。

 

然後將豆腐切片。

其餘配料有：免治豬肉一碗仔，蔥幾條，薑同蒜剁碎，甜梅菜切粒

 

作法：1，爆香薑同蒜蓉。

2，炒香豬肉同梅菜。

3，將豆腐倒入，落蠔油，糖調味。

4，加水同蔥略燜，鑽少少酒，燜至收汁即可。

 

豆腐三蚊，免治豬肉五蚊，梅菜二蚊，薑蔥豉油唔計，成煲美味小菜，都係十蚊咋。。。。

而且細細一煲已經好惹味好餸飯，係真正既經濟小菜。。。。

作法亦都非常簡單，同埋可以預早整定，夜晚食之前再開火熱一熱返，總入味。。。。

再炒埋一個蒜蓉菜心。

因為我好鐘意猛火炒菜，所以基本上我炒既青菜唔會湯湯水水咁，好有鑊氣架。。。。

 

再整多煲蕃茄雞蛋湯，搞掂。。。。

 

二十蚊有找既一餐，兩餸一湯。。。。