自家制---糖醋小物、豉椒炒鮮魷

冬天正是食蘿蔔的大好時節，今日係街市買佐一條巨型大蘿蔔。

唔係愛黎煲湯，亦都唔係燜牛腩，而係正一味酸咪咪，甜滋滋的甜醋蘿蔔。

做法簡單得黎，味道一流~~

準備一個乾淨的玻璃樽，將蘿蔔切片，擺入樽度，跟住準備一個碗仔，倒半碗仔白醋，加半半碗白砂糖，幾粒辣椒干，撈勻之后直接倒入蘿蔔片度，蓋埋蓋，一日之后就食得啦。。。

其實越薄食的越快，我另外留佐半舊蘿蔔，切成薄絲，加埋半條甘筍切埋絲，跟住又係用同樣的糖醋醬汁撈進入，醃一個鐘度就食得啦。。。

食之前撈埋少少芫莤，開胃。。。

尋晚本來三叔話埋要過黎，所以預多一個餸，點知要開工黎唔到，所以尋晚凈返一個鮮魷今日先至煮黎食。

鮮魷切好之后走一走油。

跟住準備「豆豉醬（豆豉剁碎之后加豉油加糖加少少紹酒煮成）、薑蓉蒜蓉、青紅椒」

一碟惹味之極的豉椒炒鮮魷~~

飯又係尋晚食凈果D，加埋一碟仔食凈的花生豬手，今晚搞掂晒所有餸菜，聽日周末可以安心出街食正野啦~~

自家食---四喜烤夫，讓茶葉蛋

尋晚奶奶同四叔去佐醫院探婆婆，離我依度唔係好遠，就打佐電話叫佢地探完之后過黎我度食飯。

基本上學識煮飯仔之后，我未點試過煮俾強哥以外的人食過，所以尋晚煮飯都驚驚地，佢地食唔慣我D餸架，不過已經叫得來羅，點都要試煮一餐出黎啦~~

係街市豆腐檔買佐一舊「烤夫」，其實烤夫同豆腐完全唔係一回事，不過多數都可以係豆腐檔搵到啵。。。。

其實如果記得我之前整「涼皮」的食譜，入邊洗出來的面筋經發酵之后再蒸熟就係依款「烤夫」啦！

我尋晚整佐上海比較出名的家常菜「四喜烤夫」

整依味餸首先要處理好烤夫，因為佢係經發酵而成，必定帶有酸味，所以買佐烤夫之后，首先要將烤夫用手撕扯成一舊舊仔，最好不要用刀切，因為刀切的邊緣會變實，變實佐炒的時候就唔會入味，所以對於烤夫的處理，第一，撕成一舊舊，第二，落鹽醃一個鐘，第三，出一出水，輕輕拖一拖水就得，咁樣做係令到個烤夫的酸度減低。

而「四喜烤夫」的四喜我就用佐「香菇，金針，木耳，花生」

做法：

1，準備一碗仔醬汁，豉油加糖較成。

2，先將四喜炒出香味，跟住倒入烤夫略略炒干身，最后倒入醬汁，加水略略料一陣，熄火之后加少少麻油炒勻即可裝碟~~

熱食無咁好食架，所以我預早炒好，攤凍之后晚上上台食得~~

奶奶同四叔一路以為係我響街外買番黎架添，話好好味，聽到真係好心到我~~~

直到我話係自己整架，奶奶有少少唔信啵~~

因為無乜煮俾人D食的經驗，所以整佐一個比較唔會失手的鹵水雞亦同梅頭肉，雞翅出過水再過一過凍水之后，加水加生抽老抽加糖，再落埋薑同蔥，開火燜~~

舊梅頭肉就乜都唔洗理，洗干凈之后一起擺落水度燜。。。

越簡單的材料越好味架~~

后來食凈幾隻雞亦，俾奶奶帶佐返去第二日中餐煮公仔面配住食。。。

早一日整茶葉蛋凈返幾隻雞蛋，將雞蛋開邊，取出慢黃，買佐少少肉碎，加少少蛋黃，加香菇薑蔥加鹽調好味之后讓返蛋度，再蒸返十分鐘，搞掂（為佐節省時間，我係鹵雞亦的時候順便擺埋係鑊入邊蒸埋）

賣相又靚又好味~~

煲佐一煲好濃好濃好滑的新鮮淮山當歸煲雞湯。。。

奶奶飲到贊不絕口，真係有成就感~~

知道四叔鐘意香口野，炸定一袋蝦片俾佢帶返屋企。。。

最后烚埋一個芥蘭，自家人，簡單得黎好味至緊要~~~

煲仔一鍋出---花生豬手煲、芥菜感蛋湯、豆腐煎蛋

又到冬意襲人時，煲仔以佢煲暖強，加熱方便，清洗簡單的特性，為我所愛~~

因為我懶，用煲仔載餸，加熱時係佢，上台食又係佢，過程中可以少洗一個碗碟，對我來講，是大好事一件。

而且天凍時似乎肚餓得特別快，而且特別想食肉的感覺，（不過我係例外，唔止冬天，一年四季其實我都咁鐘意食肉）

下午得閒時，預先煲定一煲豬手煲，跟住擺入煲仔度，夜晚食飯之前再開火加加熱就食得。

依次用佐上次整排骨的材料同樣愛黎整豬手，個味一樣咁香，連小斑都走埋出黎八卦下睇下係乜來架~

 

好似上次整排骨的圖片唔記得係BLOG度寫，依次影佐過程圖，再擺上黎啦。

作法：1，先將豬手同花生出一出水（花生出過水之后點煲都唔會變色，煲湯時都可以咁做）

2，開細火，慢慢用油爆香「花椒粒、薑、蒜頭」，爆出香味之后將花椒粒取出，凈係要個油有花椒味就得啦。

3，豬手落鑊，加老抽同糖，炒上糖色

4，加水加花生加生抽加少少醋加料酒二匙，加八角一粒加香葉一塊，燜到腍同埋收汁，我就轉到快速煲度燜佐半個鐘。

因為有「花椒同埋八角」等大料的香味，依味餸真係惹味之極，不過大料不宜落得太多，八角一粒就足夠，過多個味會帶苦，因為高速煲的功勞，個肉燜到好腍好腍，吃落香滑軟糯，又惹味開胃，唔怪得連小斑都忍唔住，想偷食一舊啦~~

我絕對係行動派的擁躉，尋日係網上睇到網友用豆腐煎蛋，依個搭配真係未食過，想像中應該都係好好味，一睇到即刻熄機落街買豆腐，夜晚就整多一味「豆腐煎蛋」出黎啦。

其實最主要目的係想整多一味餸出黎，可以分散下強哥對豬手的注意力，控制下對豬手的攝入量，而且又可以試下新煮意啵。。。

買佐一件豆腐，一開二，一半愛黎煎蛋用。

作法：1，豆腐切粒粒之后，凈鑊慢火儘量烘干D豆腐。

2，雞蛋二隻，打散之后加入蔥花同鹽，最主要，我加佐幾匙梗上邊整豬手凈抵少少的花椒油落去，帶有花椒味的油真係香到爆，連個蛋液都變得香艷動人佐好多~~（另外，通常煎蛋我會落二匙梗仔的清水落去，等個蛋液變多D同埋稀少少，跟住用力打到蛋液起泡泡，類似整蛋糕打到個蛋發起咁的款）

3，將蛋液倒入平底鑊度，開細D火，等佢慢慢煎到個底凝固

4，凝固之后的蛋可以好輕易咁翻轉個身啦，個面再煎多半分鐘左右煎出香味就得啦~~

睇下，一個又靚又香又完美的豆腐煎蛋就完成啦。。。

睇落係唔係好大一碟咁啊？哈哈哈，打發個雞蛋再煎就有咁的功效啦。。而且會香口好多架~

原來真係非常非常唔錯的一個配搭，雞蛋的香脆配合埋豆腐淡淡的豆香，若隱若現的花椒香味，外脆內嫩，無論係口感或者視覺都係一個享受，而且依味餸都好適合茹素者食用~~

我腍我下次都會繼續整依味餸~

另外用感蛋芥菜滾佐一個湯，加埋煎蛋用凈的半邊豆腐，又係煲仔上台，就咁簡單~~

豐富又好味的一餐住家餸~~

屋企好多盒模型開始開工組裝啦，等唔切個仔出世長大再一起玩，佢阿娘手癮佐好耐好耐實在忍唔住，唯有先自己開工啦。。。。

 

終於等於天涼時---海鮮火鍋戰鬥機

終於係本周末等到今年第一日的寒意。

本來天寒地凍正是打邊爐的正當時，不過好難得等到真正凍果陳時，所以前日星期日，趁住少少的寒意，成家人即刻買定材料，返去奶奶度聚下餐，打下邊爐，享下家庭樂~~

知道強哥周日有野做唔返得咁早，奶奶一早打定電話叫我早D返去，佢整佐糖水叫我返去飲。

未返到屋企，奶奶已經先烚熟二隻早上老爺從漁排帶返黎的花蟹俾我做下零食頂住肚先，真係好巨型好肥的大花蟹，不過為佐留肚俾晚上果餐，唯有犧牲奶奶的好意，不過最后我都有打包番黎擺落雪櫃慢慢食，咁老爺奶奶先至開心番架。

打邊爐真係要多人先至過癮，老爺奶奶，四兄弟加埋老婆，一圍九個人（三叔未搵到女朋友啊，如果唔係，一圍十個人剛剛好），人多D款都可以預多D，食起上黎先至好玩~~

睇下，凈係青菜奶奶都準備佐二大籃，總有D菇菇啊，魚皮餃，鮮蝦雲吞果D，根本就多到最後都食唔晒。。

奶奶提前買定一條膠魚，自己打佐一碟，自己打的魚膠，真材實料，一D粉都無落，食起上黎，真係爽口彈牙~~

老爺帶佐一條海魚番黎切片碌黎食~

買佐D新鮮帶子~

二筒大蠔。。。我就無福消享啦，實在頂唔順果陣腥味~

屋企成班牛魔王，無牛點打邊爐啊，所以買佐幾斤新鮮肥牛，切成粒粒，因為新鮮，而且依個部位好正，打邊爐烚幾耐都唔會韌，而且牛味十足，實在美味~~

除佐切粒粒，同一部位的肥牛，叫檔主手切成薄片，比起機切，食落真係口感唔同。。。完全食到牛肉里邊纖維的感覺，同埋果種鮮甜，擺落湯底度碌二碌，半熟就好拎起黎食啦~~~

總有像撥蚌仔，碌佐之后好爽甜，好脆架~~打邊爐真係無佢點掂啊~

總有魚肚，奶奶提早浸發之后，用薑蔥水拖一拖過佢，所以打邊爐的時候，打到咁上下既時候，將佢輕輕咁係個濃湯里邊浸一浸佢，當佢縮晒湯里邊的精華之后，乜都無需要沾，已經非常非常鮮美~~

唔記得介紹湯底，奶奶用蘿蔔豆腐臘腸大骨煲成一個好濃的湯底

睇下，打到咁上下，個湯幾濃~~~

買佐D鮑魚仔，總係好生猛架~~

烚熟之后，又厚又爽~~

總有海蝦，買佐幾斤慢慢剝~~

幫強哥碌佐一個超級塞亞人，我自己就七個小矮人中最細既果一個。。。我真係一個好好的老婆仔來架~~

舊年漁排養佐好多龍蝦供自家食的，幾乎次次打邊爐都有龍蝦食，今年無養，想食唯有去出邊買啦。。。。

好生猛架~~

食之前先至開邊烚，真係啖啖肉咁架，不過如果俾我擇，我都係覺得海蝦爽口甜甜好多。。。

老爺帶佐二隻墨魚返黎切片食~~

其實如果係個海度一撈上黎即刻整黎食，個口感正好多。。。不過今年都無上過漁排食野，羅到上黎，都係瓜佐果D啦。。。。

依一粒係乜？

你會唔會話，係墨魚眼？

哈哈，原來係墨魚嘴來架~~

依個部位最爽最脆啦，嘴入邊的硬殼好易就從個口度分開出黎，俾你睇下墨魚個嘴，都幾尖幾硬架，如果俾佢咬到一啖，成舊肉出黎都有份~~

 

因為篇幅有限，好多圖片擺唔到上黎，我地屋企打邊爐的食量，係未好驚人咧。。。。

我就話果幾兄弟，直情係戰鬥機來架~~

 

腿蛋三文治+自製印尼咖央

今日好勤力啊，一早起身整早餐俾強哥。

懶得另外開焗爐，煎蛋煎餐肉都係用平底鑊，所以連方包都係用平底鑊烘乾。

其實用平底鑊整熱方包時間上快好多添。。而且個色水都好靚架~

一份早餐話咁快搞掂，一片火腿，一個荷包蛋，一D椒鹽~~

我煎的荷包蛋強哥至鐘意食啦，唔會太生蛋汁太多食到四周圍都係，咁樣有少少溏心，食落又嫩又香，配方包最好味`~

衝碗麥皮，一杯咖啡，強哥已經好開心啦！

-------------------------------------------------------------------

係出邊買到的罐裝咖央，一來香得好假，二來個顏色黃得好恐怖，唔知加佐乜不知名色素與香精，最健康最安全的食法，當然是自家制的啦。。。

咖央係我自細都好鐘意食的一種醬料，愛黎擦面包或者饅頭，都係一極享受，所以細細個果陣時已經識得搬張凳仔企係爐頭自己整定一大樽俾屋企人食啦。

其實自己係屋企整一點都唔難，材料更加係好簡單而且好方便搵到。

材料如下圖所示：

椰漿，雞蛋黃，練乳，砂糖

（個量隨個人鐘意，如果想椰子味濃點就落多D，因為做為醬汁配搭面包一類食物，所以最好落多D砂糖等佢可以甜D）

作法只需俾少少耐性，用一個耐熱容器，稍大小小的，隔住水煮，再搵個匙梗一邊同一方向不斷咁攪拌，咁D蛋先至唔會結成一舊舊。

等聞唔到蛋腥味，只係香味，就謂知得啦。。。

因為雞蛋本身有凝固的效果，所以攤凍之后依個醬汁會自己結起來，睇下，攤佐幾分鐘之后，就已經睇到個效果啦~~

正常黎講，凈係用蛋同埋牛奶同埋椰漿，應該係我整出黎依種粉黃色的效果，出邊賣緊果D又黃又稀果D，真係鬼知落佐乜色素落去啦~~

咖央除佐係黃色，如果加少少斑斕汁落去，就會變成淡淡綠色，其實都好香架~~

一次過唔使整太多，因為無防腐劑，擺係雪櫃最好一個星期之內搞掂佢，所以我次次都只係整二隻蛋黃就足夠啦。。。

整個咖央，就係咁簡單啦~~