排骨粥、食糉、醬菜

上星期端午節前，奶奶就一早送了幾個自己包的大大個糉。

是強哥至愛的味道，有咸蛋，五花肉，綠豆等包成。

當晚上無煮飯，食糉~

強哥食糉必備的「砂糖+辣椒豉油」

我唔係太食糉，就係蒸佐一隻同強哥分食。

另外煲個粥配糉同食。

排骨粥最正~~

 買了一條排骨，先用鹽、糖、生粉、白酒、薑絲拌勻味道，醃個十五分鐘到二十分鐘左右即可。

然後就和平時煮粥一樣，放米和水，加上醃好味道的排骨，一起煲煮至綿軟就好了。

排骨煲成的粥，超鮮美~~

一人一大碗粥，加埋碟醬菜，加埋幾啖糉，舒服~~

奶奶同老爺經常都會煲奶燉膠，順便拎佐二碗嚟俾我同強哥，正~~