小菲菲俠自煮樂
荃灣真係乜古怪嘢都可以搵得到。
早輪去荃灣買嘢，順便行佐轉街市，俾我發現有賣新鮮「香椿葉」賣。
一路聽聞好好食，自己就未試過，咁就買佐一扎返嚟試下。
凈係要個葉，一扎撕出嚟，都係得一細細碟。
將佢清洗乾淨。
香椿葉其實就係「椿樹」枝頭最嫩嘅嫩葉嚟嘅，我係網上搵到一張圖片，係樹上就咁嘅樣。
我其實都唔知應該點食。
咁就將佢洗凈之後剁碎，落油先炒一炒出香味。
然後打兩個蛋，蛋發開，落少少雞粉俾味，然後就倒入炒香嘅香椿葉度，一起煎熟。
咁就煎成一個蛋餅嘅樣啦。。。。
知道強哥實唔會鐘意，我都係想自己試食姐，所以就晏畫炒埋一碟嘅香椿煎蛋，就咁食埋佢。。。
個味，真係幾怪下。。。。。。
不過，回味之後，感覺又幾得意喎~~~~
都叫試過啦。。。。
依家係酒樓好少見得到糯米包依款點心，唔知點解咧？
強哥超鐘意食，咁我整開臘味糯米飯，就順便整埋依個糯米包，睇下，又靚又好味㗎。。。。
整燒賣嘅皮好少地方可以買到，我係有一次經過一間舖頭，耳尖聽到有個客問老闆娘要一包「大黃皮」，咁就自己記住依間舖頭有得買，咁下次自己想整嘅時候，就可以再去搵返買。
有興趣整嘅朋友可以去深水埗福華街556號地下「何啟昌」中式點心材料舖購買。通常我過去會座地鐵到「長沙灣地鐵站C2出口」過去會方便好多。。。
有一個打橫嘅大招牌，舖面唔係好覺眼，前舖就好似一間倉庫咁嘅款，後邊就係加工嘅作坊仔，好多中式材料都可以係果度搵得到。蓮蓉豆蓉乜都有，18蚊一斤。
我買依個大黃皮，一包好多隻，都係7蚊雞，可以整三次左右。
擺入雪櫃，可以擺好耐㗎。。。。
蒸糯米飯，順便蒸埋兩條臘腸。
整糯米飯嘅方法可參考我以前嘅食譜「生炒糯米飯食譜」
然後好簡單，將糯米飯包入燒賣皮入邊。
我包佐兩個樣，一種係封口係底，咁就變成一個圓圓嘅包包樣，另一款就係好似燒賣咁，個封口在上~~~
包佐一大碟~~
上鑊蒸十分鐘，搞掂。。。
一餐食唔哂，可以擺入雪櫃，想食嘅時候再蒸返熱佢~~~
早餐蒸幾隻嚟食，好快食哂，最好係三日之內清哂，想食，咪再整過囉，好易咋~~
依啲皮係比出普通買嘅餃子皮再薄一半，所以咬落去嘅時候，係幾乎食唔到皮嘅感覺，就係香香嘅糯米飯嘅味，傳統嘅大黃皮係用面粉同雞蛋整嘅，不過依個皮咁黃，睇怕都係添加佐色素，不過算啦，懶得自己整，耐唔耐食一次半次，都唔驚得咁多囉~~
係零難度嘅一味點心~~~
衝杯濃茶伴食，滋味無窮~~~
早餐宵夜，一流~~
好奇怪，豆苗真係點食都咁鐘意喎，我鐘意炒，又鐘意滾湯，點煮都咁清甜。。。。
用高清煮豆苗，落少少免治豬肉，正~~~
好耐無食過，依日又煮一餐。
蕃茄一大大個，豆腐一磚半（買慣嘅豆腐檔好好，可以買一磚半），免治豬肉少少，炒埋一碟，好開胃。。。。。
簡簡單單兩味餸。。。。
依日嘅早餐好豐富啊。。。
有豆漿，用嘅係細粒黃豆，係一個親戚無事係自己屋企後院種嘅黃豆，絕非轉基因黃豆，所以個樣生得唔靚，但係豆味濃，絕非一般市面嘅由大大粒靚靚黃豆整出嚟，但係全無豆味嘅豆漿可比。。。。。
再加埋足料生炒糯米飯，早餐夠哂豐富了掛~~~
晚餐
煮一味魚香茄子。
魚香茄子其實係完全無魚嘅。個古仔好似我以前講過，就唔重複啦。。。
做法好簡單
先將茄子滾刀切，然後上鑊蒸十分鐘至熟。
準備料頭
甜面醬+郫縣豆豆瓣醬、芫莤蔥、薑蓉蒜蓉
除芫莤蔥之外，用油爆香其它料頭，倒入免治豬肉炒碎，倒入茄子拌炒，俾少少糖中和個咸味，少少醋，加少少水入味，起鍋前落小小生粉埋芡，熄火後倒入芫莤蔥，搞掂~~~
煎多兩個荷包蛋~~
美味~~~~
