求其一餐

依幾日假期強哥有嘢做無得休息，咁我唯有自己搵節目。

下午茶時間口癮，切幾塊饅頭焗嚟食。

覺得中式饅頭焗脆之後比方包總要香，口感更綿密，所以經常整定幾個超大饅頭擺住以備不時之需。

好簡單，將饅頭就咁擺上爐頭，開中細火兩面烘至金黃。




我好似以前講過，不過可能有網友唔知，講多次，據民間偏方記載，嚴重胃潰瘍嘅人，可以試下每日食幾塊烘到金黃色的饅頭，只需堅持半年，幾重嘅胃病都可以好得返，好神奇呵，所以我時不時都會烘下饅頭，當係養下胃~~

就咁干咬烘饅頭太單調，所以我會俾少少味。

烘到金黃色的饅頭，均勻地係表面涂上少少上一篇製作嘅「蔥油」，然後均勻地洒少少孜然粉同幾粒幼鹽，再烘多幾秒鐘~~~

搞掂~

唔知點解，孜然粉同烘過嘅饅頭係異常地格，加埋香噴噴嘅蔥油，咁樣一塊外脆內軟，充滿異香的烘饅頭，咬一啖，永遠忘不了~~~

如果無佐蔥油，咁味道真係會爭好遠，原來小小蔥油，在於味道有著如此重要的江湖地位~~

晚上，炒碟餸。

切佐半條甘筍，幾條青椒，幾塊豆卜。

加埋瘦肉，以麵豉、糖為調味，炒成一大碟餸~~

好惹味㗎~~

買佐一盒日本淮山，一盒甘筍，二粒猴頭菇，一細塊陳皮，一舊薑，少少蓮子，杞子，圓肉，一盒西施骨，一盒雞腳，煲一煲湯水飲。

清甜到咧，未食飯先飲二大碗，舒服~~


阿媽教落，煲湯用西施骨最好，煲完之後啲肉都可以食得，好滑好甜。

所以啲湯料咁貴，食得無嘥，撈起又一碟餸~~

開飯~~