鹵肉續集篇----鹵白菜+臘味芋頭煲

 

尋日整嘅鹵肉總剩一碗仔，今日買佐個大白菜，切開同鹵肉一起煮。

作法好簡單，鍋裏落油爆香蒜片，加入白菜炒軟，倒入尋日鹵好的鹵肉，再加少少水，慢火燜十幾二十分鐘即可，因為鹵肉已有足夠的味道，加上白菜本身的清甜，其余任何的調味料都不需要再加，咁樣做出來的白菜就是鹵白菜啦。。。

只加佐少少水，白菜自己又出好多水，望著這冒著熱氣的一大煲菜，莫名其妙的有一種“入世”的感覺~~ 

味道是簡單的，家常的，清甜的，美味的~~~

天生鐘意食芋頭，點整都覺得好食，今日買佐半邊，按自己的想像嘗試著整佐一煲芋頭煲。
特別喜歡姜與蔥配搭的味道，所以依個芋頭煲就用佢倆個來做調料。

材料：1，切成片的姜與切成段的蔥
2，臘腸一根，臘肉半根
3，芋頭切粒

調味料：本來要加D豉油胡椒粉果D，後來想到臘腸臘肉本身已有足夠的醬香味，又想到酒樓的師付做芋頭蒸排骨一定會加少少腐乳增加香味，於是索性依個芋頭煲，別的任何調料都棄用，“只取腐乳一種”。
因為我煮嘅量少，所以只用佐半舊腐乳，加少少水的搞碎。

作法：1，熱鍋落油，爆香姜及芋頭（芋頭煎一煎表面，煮起來無咁容易變爛）
2，將芋頭撥到一邊，煎一煎香切成片的臘腸臘肉
3，加適量的水，倒入蔥段及腐乳水
4，燜至收汁即可

好惹味的一味送~

雪櫃總有二個蕃茄，切少少白菜絲，加少少免治豬肉，滾一個簡單的湯~~

 

係咁樣啦~~

一煲鹵肉

好難得，係街市撞到有咁樣既紅蔥賣，即刻買佐一包返黎。

阿媽細個時係印尼，食蒜並非易事。因為當地並不盛產，因此多數華人，都會選擇用紅蔥頭代替蒜頭既作用黎入菜。

所以自細食阿媽整既送菜，蔥頭的使用率遠高於蒜頭。

依种多瓣數的紅蔥頭較之平日見到既獨一粒既要香。

買到紅蔥，自然想起阿媽整既鹵肉燥。所以索性買一大條五花腩番黎，整一煲好耐無食既鹵肉。

主要材料：
1，紅蔥頭切薄片。
2，姜切三四片，蒜二大瓣切薄片
3，肉灼熟再放到雪櫃（雪過既肉較易切）
4，切成小粒。（做鹵肉燥最好用帶皮的五花腩黎做，因為豬皮的膠質能令整鍋肉更香更滑）

香料主要就三種：
冰糖+八角+五香粉

作法：

1，砂鍋落油爆香切成薄片的紅蔥頭及蒜片直至變焦黃，撈起備用。（先爆香蔥頭，爆到一半的時候再放入蒜頭，因為紅蔥頭帶有水份，沒那麽容易炒幹身，所以爆香的步驟應該先下蔥頭再下蒜）

 

2，原煲落老抽生抽同八角總有冰糖炒香直至糖溶，再起泡狀

3，倒入切好的肉粒到豉油度，炒至上色。

4，加水，加姜，加少少五香粉，同埋之前炸香佐既蔥蒜，燜半個鐘左右即可~~~
（我順手放幾個蛋入去一起鹵）

跟住煲佐一煲白飯，直接撈肉燥落去就得啦~~

如果唔係懶得出街，整多二條蔥花落去，依個飯，總羅命~~

整日無出過街，晚上煮多二包烏東面，又係一餐~

係咁簡單，夠晒啦~~

繼續阿娘既送---豉油雞

18/3/2008日誌

隔佐餐的雞肉，形同嚼臘，平日與強哥二人的生活，極少買全雞，一餐吃唔曬隔餐再食既雞肉真係好難吃，因此價格相宜數量悉聽尊便的“冷凍雞翅”成為我們平常人家餐桌上的常見物，其實都幾擔心果種一箱箱的冷凍雞亦的來源，是否激素飼養而得？食多佐對身體有無害處？唉，想得越多，越是覺得做人的無趣。
唔知道有唔知道的快樂~~~

知我嗜雞，阿媽買來一個走地雞，做我至愛的豉油雞~~（做法同豉油雞翅一樣，只是將雞翅換成佐全雞）
自細雞肶阿媽都係留住不斬斷既，由得我扮演至愛的“肉魔”形象，抓住個大大的雞肶肆無忌憚的狂咬直至嘴角全是泛起的油光，形象全無的感覺是痛快的~~

因為依家強哥都在場，阿媽驚我形象分大減，因此將我至愛的大雞肶無情斬斷！
食起上來，缺少佐一分淋漓的暢快~~
其實熟不拘禮，阿媽仍是保持了老一派人的講究與作風，總是不忘提醒我“雖已嫁作人婦，還需維持個人形象”
“即便嫁了人，一樣要講究衣著打扮”座起言行，媽媽至今仍然維持一日三套衫的習慣。（睡衣，居家，外出）

 

 

炒佐個我百食不厭的白菜芯~

總有一個蒜蓉炒通菜

自細我唔鐘意飲湯既習慣係阿媽最頭癢既事，由細逼我飲湯逼到大，今日依然係咁，係咁整佐個最細個碗，湯少少做個樣就算數~~

今日煲既係牛蒡排骨湯，加佐青紅蘿蔔，加上牛蒡的味道，都叫清甜~~

 

外家既美食---東坡肉/鹵豬肚

14/3/2008日誌

依輪阿媽果邊重新舖過廳既地磚，我幫手返過去睇場同搞清潔，為佐補充大量既能量，阿媽整佐好多我好鐘意食但係平日唔準我食既正野（阿媽話膽固醇過高有機會發生係每個人身上，所以平日飲食最好少鹽少油，但係我係天生食肉魔，直情係無肉不歡）

今次阿媽真係整佐好多正野，俾我好放肆咁食，真係好開心。

1，天下無敵香酥軟糯入口即化---東坡肉

2，天下無敵香甜可口入口怡人---韭菜炒蛋

3，天下無敵清甜無比入口爽脆---蒜蓉炒菜心

4，天下无敌滋补养身入口香浓---药膳鸡汤

我娘親整既菜，當然件件都係「天下無敵」啦~~

哈哈哈~~~

 

--------------------------------------------------------------------------

 

15/3/2008  日誌

1，鹵水豬肚

作法：清洗的步驟（外婆傳下的方法，今天終於傳到我手中啦）

A，豬肚一個 B，放點生粉及鹽不停的搓 C，熱鍋一只，放少量油 D，放水沖幹凈豬肚之後將豬肚的裏面翻出外邊，下油鍋略略煎一二分鐘

煎好的豬肚表面會有一層白白的細膜，刮出細膜，減少異味。咁就完成佐清洗的步驟。

媽媽話，小時候洗豬肚的方法好多好多，還有用芭蕉葉與鹽搓的，還有好多好多方法，不過依家國內D豬肚好洗好多，外婆以前在印尼食次豬肚，要洗好多好多好多次，因為印尼人養豬，會在豬飼料中添加鹽份，最天然的作法係響飼料中撈入一舊“鹹魚”，加佐鹹魚的飼料豬特別特別愛吃，大啖大啖咁食，若是偶爾一次沒加鹹魚，豬的反應是用鼻子慢慢拱食物，再一點一點，無可奈何的食下去。點解加鹹魚？因為食佐帶鹽份的飼料，豬肉會特別特別甜，但係豬肚，就會特別特別的臭，所以清潔起來，非常困難~~
趁依家D豬肚都算係比較無咁難清潔無咁臭之前，買來試下啦。。。。

作法：洗好的豬肚放入鍋裏，加水加生抽老抽還有糖，就咁樣燜吧~~~燜至收汁即可~~ （我鐘意食比較無咁硬既豬肚，所以通常阿媽都會燜個半鐘左右）

睇下，整好啦~~

無論外形或者味道，都係一流~~~今次睇過阿媽整，下次我自己都會試試~~~

炒佐一碟芥蘭，阿媽炒芥蘭鐘意將個尾切十字花，話咁樣炒出黎會靚D同埋入味D~~阿媽炒介蘭鐘意用薑爆香佢，跟住落少少白酒同糖同鹽，個味，真係無得頂`~

 

 

家庭小聚---豉油雞亦煲

08/3/2008日誌

我相公，和我家姐的相公，他們之間的關系，該叫什麽呢？我們一直沒有好的結論，只以親戚代稱。
強哥於是和我一起，管姐姐叫“家姐”，管姐夫也叫“姐夫”。。。。特別親熱~~

除出親戚一層關系，強哥其實和姐夫，是自小玩到大的好夥伴，多麽難得的機緣，少時朋友，長大親戚~~~
所以外出逛街，可以我和姐姐一塊走，他們倆有他們倆一塊逛。

某次逛街，我和姐姐上洗手間，強哥與姐夫在外等候，強哥幫我拿包，一個純女性化的大包，洗手間外頭恰好是賣床上用品的，等我們從洗手間出來，強哥不無尷尬的一把攬著我的腰說“我們快點走”
於是好奇地問道“為什麽這麽著急？”
強哥與姐夫尷尬的相視一笑“剛才我們倆個人無聊一起看床上用品，我又拿著你的包，人家店員一臉曖昧，誤會我與你姐夫是一對佳人，所以還是快點離開這尷尬之地”
-----笑絕~~

昨天下午姐夫約了強哥一塊去買東西，所以晚上姐姐與姐夫就在家裏吃飯。
因為都是自家人，我也隨便的弄了些家常菜。

姐姐說姐夫想吃鹵水雞翅，簡單~~

作法：1，雞翅先以姜蔥酒煮過烚一烚去雪味。、
2，加水加老抽生抽加糖加姜蔥一塊燜（我嘗試加了一小塊陳皮進去，原來味道不若想像中的好，有點怪，下回還是照老方法，不要亂添材料比較好味）

 

家姐話想食蟹，我就整佐個豉椒炒蟹俾佢食~

成家人都係食肉獸黎，所以整多個蜜汁焗豬頸肉，大受歡迎`~

整多個檸檬汁配合~

最后來一個青菜~~

係咁多~~家姐不諧廚藝，一D都幫唔到手，所以我自己係咁求其整佐幾味小菜，最主要目的係大家聚聚開心下~~

奶奶既常菜菜---蓮藕燜豬手+清蒸大蟹

06/3/2008日誌

 

有成個星期沒番過奶奶度，尋日奶奶打來電話，話整佐好多好食既送菜，問我們回不回去，聽到有好吃的菜菜，當然要回去啦~~~
順便拍了照片，一塊發上來~~

南乳蓮藕燜豬手

作法：鍋裏下油，爆香南乳一塊，然後倒入斬好塊的豬腳，不停地翻炒，炒至斷生，加水，加蠔油（其實我覺得加醬油，有了豆香味，會更香，不過婆婆習慣加蠔油，但是也很好吃），加冰糖同燜二個小時左右~~（燜至一半的時候加蓮藕進去一起燜）。
作法不難，味道卻是一流~~~
昨晚我吃了好多好多蓮藕，蓮藕比肉還香~~

早輪因為天氣太凍，老爺個漁排凍死佐好多成年既魚，老爺就趁一D魚總生猛，先下手為強，殺佐D擺響雪櫃度，慢慢羅出黎食。

茄汁扒斑腩

因為係用佐石斑中間既肉，肉質好厚，所以奶奶羅來煎香佐，再加個蕃茄芡倒響上邊，非常開胃~~~

依個時候，總可以撈到咁大隻既蟹，真係好意外。水上人家對於海鮮既處理多係烚同蒸，我D屋企都無意外既，將D蟹清蒸~~新鮮既蟹，好清甜`

 

-----------------------------------------------------------------------

而今晚我同強哥二個人，就簡單得多羅。

用焗爐焗熟一件鴨胸肉再切片，毫無技術~

整佐個檸檬汁，以去除少少鴨肉既油膩感~

黑椒洋蔥炒豬柳~

阿媽成日話「要食多D綠色既青菜，對個眼好」，聽得多，就上佐心，買佐個菜心，夠晒綠挂~~

二公婆，簡單~

昆布豆腐湯+香菇雞煲

04/3/2008 日誌

“吃昆布的最高境界，是用一個沙鍋，裝了溪水，鍋底鋪一片昆布，上面放豆腐，微火慢慢滾，昆布味進入豆腐，在一個空亭之中，慢慢品嘗，四面飄雪，來一杯清酒，禪意無限。”
-------以上是一位食家對於昆布的理解。

昆布其實就是我們說的海帶，海帶是海中的植物當中，最長最大的一種植物。
在日本的北海道，海帶大量生產，根本無需人工培植，已經取之不盡，友人到到北海道旅遊，送了一包當地盛產的昆布做禮物，今日就用它，做了一個湯。

上面有一層細細的白膜，並非發黴或過期，而是曬幹後形成的一點點白粉，就這麽幹的時候咬下一小口，味道鹹鹹甜甜，若是受得了海帶的那種腥味，就如此當零食細細咀嚼，比花生，更滋味無窮。

就這般，取了清水，鋪著昆布，擱上一些豆腐~~

水質與溪水當然的天壤之別，為避去水質中的異味，另外加了一勺的味噌，湯立即變得濃郁香洌，畢竟是俗人一個，那般清澄素雅的“禪意”，享用不來~~

今日食雞，以香菇來烹。
材料：香菇，金針菜，姜，蒜粒，雞翅適量。（本打算加粒辣椒進去，後來怕味道不合，取出不用）

作法：1，鍋裏下油爆香所有料頭，盛出備用。
2，下鍋煎香雞翅。
3，將炒香的料頭倒入雞翅中同炒。

4，最後加少少水燜至入味，起鍋前澆上一圈料酒提味，倒入砂鍋，上火略略加熱即可。

另外切佐條翠肉瓜炒肉碎，乏善可陳，就這樣~~~