糯米包

其實我倆公婆都係糯米怪嚟嘅。

依款糯米包係強哥自細嘅至愛。

係好易整嘅一款包點。

整得雖然唔係太靚，不過味道，真係唔錯㗎~~

糯米水浸七八個鐘之後，上鑊蒸十分鐘至熟，順便蒸埋條臘腸。

炒多啲香菇粒，乾蔥，俾少少鹽同雞粉，臘腸切粒之後，所有材料同糯米撈勻，造型成一條四四方方嘅長柱型，依個步驟最好就要捏實啲，我就係捏得唔夠實，蒸好後個包包有少少瀉開，無咁靚仔。

然後準備一大塊發好酵嘅麵皮，將糯米條包好。

上籠蒸十分鐘之後，搞掂~~

又易又好味，早餐蒸返熱佢，又係好美味的一天開始~~

順手講埋個晚餐。

芹菜，甘筍，豆腐乾。

少少五花腩，少少豆瓣醬。

炒埋，勁好餸飯~~

之前煮意粉凈有少少醬，咁就加埋花菜煮一碟。

酸酸香香，非常好~~~