炒菜

今朝早係公司開會， 下晝過西灣河果頭巡舖，凈係座車都大半日，唔覺唔覺，一日時間真係好快過。

去到間間超市都人頭涌涌，個個都趕住辦年貨，唔知係咪臨近過年，自己個心都無乜心機做嘢，天氣又好好喎，行係街頭，暖暖嘅風迎面吹嚟，真係好愜意。

行走係街度，知道目的地喺邊，去到目的地清楚要做啲咩，陽光與微風之下，不緊不迫地完成手上的功夫，感覺幾愉快~~


最後一站「天後」

行完最後一個場，睇完要睇嘅嘢，做完要做嘅事，可以自由活動。

就近順道入去維園轉佐一圈。

行個大運，出返嚟，夠。


過年其實極忙碌，要去長輩處拜年，要返奶奶度接待嚟拜年嘅人，總要應付中國式的熱情問候，譬如：

未結婚嘅時候被追問「幾時擺酒啊」
結佐婚啦，依然被追問「幾時生B啊」
就算生佐個B啦，都依然可以被追問「幾時追多個B啊」

係真關心？定係搵個看似溫馨的問候掩飾拜年時彼此的空虛？


極唔鍾意依類睇似關懷實情八卦的問候，最慘係，總要俾返一個

可以令彼此更好落台的回答，以維持表面上的熱鬧與親切，死未。


今年如果有人再問我「幾時生返個B出嚟啊」

我會答返佢「江湖傳聞2012世界未日，出年啦，如果出年大家都係度，咁就諗諗下啦~」

約佐強哥係佢公司附近見面然後一齊返屋企， 返到屋企，強哥洗米煮飯，我就摘菜洗菜。

夫妻同心，快手快腳，三幾下煮好餐飯。

馬拉盞炒油麥菜。




之前食凈嘅半煲鹵肉熱返佢，一個鹵肉飯加埋一大碟菜，咁就一餐啦~~