茄子

我係好鐘意食茄子嘅人。無論茄子如何烹製，我都覺得美味無比。

依日買佐兩條茄子，愛嚟讓茄子。

切成兩塊，中間夾薄薄一層醃好味的瘦肉。

因為瘦肉本身有粘性，所以夾好的茄子可以痴得好埋，唔會分開。

然後薄薄地係茄子身上拍一層生粉。




用平底鑊，少少油，煎至兩邊金黃。要俾多少少耐性，因為茄子要煎到變淋要少少時間，但係如果煎得唔夠淋嘅茄子，食起上嚟會生水，就唔好食啦。

當然，如果你用一大鑊嘅油去炸嘅話，就會快好多，不過炸完嘅油好嘥，所以我都係寧可俾多少少時間，慢慢煎透佢。

茄子煎好之後盛起，原鑊落少少薑絲同蒜爆香，倒入煎好的茄子，兜一兜，然後倒入一碗芡水（生粉、清水、少少少少糖、舊裝蠔油），冚蓋煮一分鐘，搞掂~~


惹味好餸飯。我好似都係偏向煮比較重味嘅餸菜，因為我係飯桶一個，我好鐘意食白飯，咁惹味嘅餸，配上靚靚白米飯，食落真係好幸福~~

炒多碟白菜。

全家福。