完工

第二晚繼續砌未完嘅W2010

未幾下，腰部已經完成

同時間，強哥砌緊個支撐架

依款模型真係好巧妙，個支撐架可以隨意調節升降，只需要細細一粒扣仔就可以控制得到~~

成個模型唯一嘅一粒螺絲

我就砌緊大腿。

全部係靠好多細個配件組合成嘅關節

活動自如~~

日本仔設計依啲嘢真系好有心思~

繼續砌個大腳板

所有關切位都好幼細~

睇下個腳板底，係軟膠製作，好細膩嘅心思，因為腳板底用佐軟膠，咁佢嘅抓地力就較強，唔用支撐架，都可以好輕易地企定定~~~

見凈返一隻腳，唔想等第二日，都整埋佢啦~~~

凈低嘅工作係我自己搞掂，咁老公就走佐去衝涼~~

趁依個時間，整多條腿出嚟~~~

 

老公衝好涼出嚟一見到，哈哈大笑數聲之後狠狠地打佐我屁股一下「真係百厭」~~~

自得其樂

現代人多佐好多科技支持的休閒方式，節目是相較從前豐富佐上千倍不止。

有佐咁多精彩的節目去填補平時的空余時間，仿佛時間一下變短，不夠用了。。。。

見過好多夫妻，收佐工返屋企，煮餸吃飯，然後睇電視嘅睇電視，上網嘅上網，生活似乎除佐係同居而住，其它的意義實在模糊。

和強哥平時的生活，在大多數人眼中，是極悶極枯燥。

一般為著節省的理由，我哋係屋企都行動一致，可以互相陪伴之餘，總可以兩個人都係同一間房，咁樣冷氣就隻係開一部，唔會浪費電，飯後如果強哥當日的工作唔辛苦，我哋都會外出散散步，睇下風景，閒聊下，因為我哋除佐新聞，很少追劇睇，返到屋企衝好涼，就一起入書房，我上網睇新聞，強哥上網玩遊戲，固定的時間，一起熄電腦，上床瞓覺，所以基本上都係一起進行所有活動。

我發覺，少睇電視，少上網，非常非常地能夠增加夫妻彼此間的感情聯絡，多一些科技以外的活動，多一些精神上的交流，回復最原始的狀態，其實真的只有百利而無一害。

有時我哋縮係房嘅床上，唔上網，唔睇電視，凈係開著收音機，然後捉下棋，聊下天，感覺上彼此感情的聯系，會特別的緊密，所以我都認定，就算將來有佐小朋友，我哋夫妻倆個都會經常地進行咁樣的家庭小聚會，陪小朋友講下嘢，玩下傳統的遊戲，以增加家庭的凝聚力，相信都可以增強小朋友的語言表達能力同個人思維的方式。

有時會諗，難得嚟一轉世間，最慶幸係搵對佐最適合的玩伴共同生活，大家有著相似的生活習慣，有著相近的精神需求，有著類同的物質理解，與強哥都非常地不會在乎外人的眼光，我行我素地做著自己感覺自在的事情，相似程度簡直有時覺得老公根本就係另一個自己~~在自己創造的精神領域當中，交流著彼此的自得其樂，好多時候，根本無需言語，只需共處一室，已能感受到彼此的滿足與愜意。

最近強哥工作較忙，晚上返到屋企都好夜，唔想佢太辛苦，飯後就無外出散步。

不過稍事休息，睇完新聞之後，都會搵啲共同的活動一起進行的~~~

一起砌模型啦~~

尋晚開始玩依盒蒙面超人W-2010

型爆~~

啲色好靚，唔洗再噴色，本身嘅色彩已經好靚~~

強哥持住自己係熟手技工，咁樣去削個水口位喎~~

好牙煙姐~~~

應該好似我咁，先可以確保萬無一失嘛。。。

我學煮餸咁多年，從來未失誤切到手過，對刀嘅使用，一定好小心~~~

埋頭砌佐個幾鐘，我完成了身軀的組裝~~~

強哥負責嘅下半截比較簡單，半個鐘唔洗就搞掂~~

依款嘅製作真係好鬼精巧，啲關節位全部都做得好仔細~~~

繼續，強哥負責嘅頭部亦都完成了。。。

睇下，真係好鬼靚啊。。。。

好了，我負責的手臂也完成了。。。

手指關節，每個細小部位，全部都能夠個別活動，一邊做一邊同強哥係度贊嘆~~~

制作太細致了~~

同共同愛好的人一起玩就依點好，大家都能夠對相應的點發出相同的睇法，咁樣先會越玩越好玩~~~

好啦，第一晚玩住咁多先，留返其它慢慢玩~~

 

 

 

泰式酸辣鳳爪（食譜）

天氣熱，人無乜胃口食飯，所以就諗住整啲酸咪咪開胃嘅食物食下，咁就整佐味酸辣鳳爪~~

先睇下醃料：

「荽莤、青瓜薄片、洋蔥、青檸、指頭椒、蒜蓉」

我做一磅嘅鳳爪，所以配料嘅份量唔洗太多，適量即可，如果一次製作量大，需增加配菜嘅份量。

做法：

1、鳳爪一磅，落水煮四五分鐘，水入邊擺一塊薑同少少酒

2、撈起鳳爪，係水喉下衝一衝走油脂，然後浸入冰水度，浸半個鐘左右。（用煮好嘅水去浸，咁唔洗驚有菌）

3、將配料撈埋一起，倒半支白醋入去，落砂糖，魚露調味。

份量要自己一邊落一邊試味，因為口味因人而異，無一個實際定量。

4、最後將浸好冰嘅鳳爪撈起濾去水份，倒入上個步驟攪好嘅醋汁入邊，浸住一晚以上入味。

自己整嘅鳳爪因為無用特殊嘢拉過，所以係唔會好似出邊街食嘅咁白。

浸佐一晚，搞掂~~~

就咁簡單~~

因為醋汁入邊有佐洋蔥荽莤青瓜等物嘅味道，滲佐入鳳爪度，食起上嚟，有一股好舒服嘅清香味~~~~

雞皮係醋度浸佐一晚，凍到冰一冰，食起上嚟，又爽又脆，簡直係夏季最一流嘅享受啊~~

無乜胃口食飯，所以只是簡單的煎佐兩個滑蛋，煎佐少少麻油香腸~~

煮多一碗麵，搞掂~~~

食完面，慢慢圇雞腳~~~

加料涼瓜燜斑塊（食譜）

今日早餐，煮幾條腸仔，幾片面包，一碗麥皮，一杯㗎啡。

五分鐘搞掂~~

 

係奶奶度帶佐幾舊斑塊返嚟。

尋晚愛嚟同涼瓜煮埋一味餸。

用佐水上人嘅方法去煮依味餸，味道非常非常之正~~~

平時可以用倉魚去煮，肉總滑，總正㗎~~

做法：

1，先將魚肉用胡椒鹽略醃。

2、然後煎香。

睇下材料：

「魚肉、涼瓜（用鹽渣過水）、蒜蓉、豆豉醬、指天椒」

豆豉可以用一粒粒嘅豆豉浸腍之後剁碎，我屋企有好香嘅豆豉醬，所以就直接用炒香佐嘅豆豉醬。

想惹味啲啲，就落佐一條指天椒~~~係可落可唔落嘅~~

想令到依味餸與別不同，秘密武器就係佢「咸魚」一舊啦~~~

咸魚剁碎之後要落油略炒至香味出嚟。

就係落佐依少少一啲啲嘅咸魚，可以令到成味餸，變得非常非常出色，食嘅時候咸魚味絕對唔會搶哂其它嘅味道，而只會係錦上添花地令到成味餸有佐一股講唔上嚟嘅異香，我覺得有佐咸魚蓉調味嘅依味餸，有啲似罐頭魚嘅果啲味道添~~~

炒法：

1、熱鑊落油，爆香蒜蓉，倒入涼瓜翻炒，倒入豆豉醬同指天椒再翻炒（如果用生豆豉，就要先爆一爆香豆豉出味先得）

2、加水，落咸魚蓉、魚肉、加蠔油俾味，略燜幾分鐘。

3、起鑊之前，俾返個生粉水去埋芡，搞掂~~

魚可以換轉倉魚去整，味道口感總正㗎~~~

一碟餸，已足夠~~~

連唔鐘意食魚嘅我，都覺得好好味~~~

 

 

周日家聚之豐盛一餐

尋晚返奶奶度食飯，經過牛頭角果度睇到美亞開倉，即刻跳落車入去橫掃一番。

真係好抵買啊，好多貨品低於五折添㗎。

最近有需要買廚具嘅網友咪錯過啦。

可以座地鐵到牛頭角站落車，出站行官塘道對面馬路就可以見到大大美亞嘅大廈啦，係地下就係間舖頭做緊清倉啦。

買嘅時候要仔細自己睇清楚，因為係特價貨品，無得退換㗎。

為佐證實有幾抵買，睇下個全不銹鋼平底鑊，好鬼重㗎，鋼水都唔差㗎，盛惠$79咋~~~

係咪好抵玩咧~~~

 

強哥同四佬嘅生日好接近，所以尋晚提早幫強哥同四佬一起慶祝生日，（結佐婚嘅男人，生日多數都係同老婆仔撐檯腳，所以老爺奶奶好體貼地，提早幫倆兄弟同屋企人先做一次生日，正日再等倆公婆自己慢慢開心）

所以老爺奶奶準備佐好多好豐富嘅菜~~~

休漁期過佐，又有好多漁獲食啦~~~

餸1：奶奶自己手打嘅墨魚丸，加埋雜菜炒埋一碟，好清爽~~

餸2：好滑好香嘅白切雞

餸3：面線魚肚讓魚膠

面線魚嘅沙爆魚肚，食落鮮味實足，比普通魚肚，真係美味百倍~~~

餸4：蠔汁冬菇燜鴨掌

好惹味`~

 

餸5：老爺係漁排自己撈嘅墨魚仔，奶奶愛嚟用黑椒蒜蓉豉油糖爆香佢，惹味到極~~

餸6：煙肉蒸斑片

如果講味道，用煙肉包住斑片嘅味道，確係惹味佐好多，唯一缺點係煙肉會出好多油~~

不過煙肉嘅油脂滲佐入魚肉度，魚肉食落又滑又甘香，一件起兩件止，其實真係唔錯㗎~~

 

餸7：果皮蒸鮑魚

老爺一早係西貢帶落嚟嘅鮑魚仔，好抵食，每個都有返咁上下大，咁大一碟，都係一百蚊度。（老爺同西貢啲街坊都熟哂，所以買嘢當然會平靚正）

奶奶蒸得火候好掂啊，蒸之前總係生猛架鮑魚，蒸好後，食落係好爽好鮮甜，同埋有著好厚實嘅口感之餘，一啲都唔會韌，蒸鮑魚仔最講火候，如果蒸得唔夠時間未夠熟，肉就唔會脫殼，如果蒸得過火，肉又會變韌，就唗佐咁新鮮嘅鮑魚啦。

所以話奶奶蒸嘢功力夠深，蒸得恰到好處~~

（聽過有啲所謂食家話，鮑魚仔根本唔值得一食，話好似食橡膠咁，其實係佢未有機會食到真正烹製得一流嘅鮑魚仔先咁武斷姐，佢嘅孤陋寡聞，會令好多人錯失欣賞到一種美食嘅機會㗎）

餸8：開邊金銀蒜蒸龍蝦

奶奶依個超巨嘅大盤，每次都係用嚟蒸龍蝦嘅，啲龍蝦算係中等大細啦，食落都真係啖啖肉㗎。。。

咁蒸法，一啲都唔會老，龍蝦太大，肉會好鞋，中等大嘅龍蝦，味道又香，肉又爽，最一流啦~~

湯：花膠響螺湯

飲完啖湯，個嘴會膠住膠住㗎，好正~~

除佐二弟要陪女朋友屋企人，唔返得屋企

人齊開飯~~~