星期七晚餐

買了幾塊梅香咸魚。

新鮮得不得了，香濃得不得了，喜歡極了梅香的味道，小時候媽媽切上一小塊的梅香，用來蒸點肉片，再炒個青菜，那樣的一餐飯，已經滿足得無以言表。

長大後知道這類醃制食物不宜多吃，因此吃的機會已經少之又少，這日偶爾遇見雜貨店老板正在分解梅香魚，在遠遠的地方，就被味道吸引，一路來到咸魚面前，忍不住買了幾塊回來。

買回家的咸魚，一時半會又不會弄來吃，怎麼保存最適宜？

可以像我一樣，找個玻璃容器，把咸魚放進去，然後直接倒入平時煮菜的油，浸過咸魚表面即可，簡單之極。

我用的是花生油，油浸著咸魚，即能保持咸魚的香味，亦能保持咸魚的「鮮度」，並且油浸得越長時間，咸魚越是好吃，最主要，這樣浸在油里的咸魚，完全不用擔心會有味道在家中周圍跑。

見有時間，就炒做一個菜脯，平時碌個面，煮個米粉，落少少菜脯配食，就非常一流啦~~

亂咁嚟，煲佐啖湯飲。

螺肉，花膠，圓肉，札子，花生，蓮子，百合，淮山，黨參，花旗參，同埋一個新鮮雞架。

新鮮雞架都係二十幾蚊個，兩公婆煲啖湯，其實已足夠，好抵食。

用快速煲嚟煲湯，其實只要做法得宜，一樣可以煲得好濃好出味。

先用中細火煲20分.唔揭蓋，焗住幾個鐘，晚上飲之前開火煲多20分鐘，湯已經可以極之出味。

煲好嘅湯，好濃好濃，幾乎無落鹽，就咁飲，已經好滑，好好飲~~

花花菜我幾鐘意食，不過都唔係識得好多種煮法，食過最好味係蕃茄煮花花菜，咁今日見得閒，又試搞新意。

花花菜先用水烚熟。

反正烚開囉，咪順手，烚埋啲荷豆佢囉。

烚好荷豆，倒走啲水，原鑊落醃好味嘅肉片，煎大半熟。

倒入荷豆，加埋少少清水，等肉同荷豆嘅味融合，最後俾少少芡水兜幾下，等依味餸睇落有光澤哋，食落滑哋，搞掂~~

三幾下功夫搞掂依味餸，好好送飯。

煮好荷豆，洗一洗個鑊，煮花花菜。

倒入切好粒嘅辣辣腸仔，用少少油爆一爆，然後，準備一罐方便白汁。

白汁倒入鑊，落少少清水煮開個醬，因為本身已經有咸味，所以無需額外俾味，我落多少少黑椒，等味道更加豐富，加埋辣腸走出嚟嘅辣油，個白汁香滑得嚟，帶少少辣意，真係好掂。

如果唔落辣腸，我相信轉成落煙肉，一定總要香，煙肉嘅味道同白汁好格，可惜屋企無煙肉，我先轉成辣腸嘅，下次試下用煙肉，肯定效果總要正。

最後倒入煮好嘅花花菜，炒均個白汁都掛住係花菜度，咁就搞掂~~

好滑好香啊，配埋花花菜本身嘅清甜，真係好掂啊咁樣整，有興趣不妨試下~~

全家福~~

 

青椒。薯仔。肉

本來唔打算煮飯了的，下班路經街市的時候，忍不住轉進去逛了一圈，一圈出來的結果，是除了原本一大包的文件之外，另一大袋的瓜果菜蔬。

 師奶就是師奶，我骨子里流著的就是那麼樣鮮紅的師奶的血液，走到哪里最愛逛的就是街市，死性不改的就是那麼愛下廚房的熱情，就算是那麼一點的時間也得鑽進廚房里才會有那麼多一丁點的安慰與滿足。

 與其說我愛的是食物的味道，不如說，我更享受的，是製作的每一個步驟。

 買了青椒，雪櫃里還有一些醃好味道的肉，本打算做青椒讓肉，可是時間比較趕，也沒太多時間去做那麼多的功夫，幸好還買有幾個薯仔，那就索性全都一刀切切，簡單地狠~~

醃好味道的肉，小手捏幾下，捏成一個個的肉圓圓。

放進油里，煎一煎。

倒入薑蒜，炒一炒。

倒入青椒，炒一炒。

倒入薯仔，炒一炒。

 加入生抽老抽糖，加一點點水，煮上那麼五六七八分鐘。

 起鍋前埋個芡，最後點上那麼一匙陳醋，提點香，容易。


好香，好惹味，好好餸飯~~

青菜。豆腐。瓜

今晚食得好清㗎，冬菇蠔油炒小棠菜苗，清甜到咧。。。。

第一次喺返嚟路經嘅果個細街市買豆腐，啊又真係非常唔錯喎，自家製作嘅豆腐，買到返屋企，磚豆腐總熱㗎，而且最緊要係佢豆味極濃，似細個時食嘅豆腐味道，一大舊都係三個半銀紙，咁就煮到一碟出嚟啦，幾抵食啊。

煮緊嘅時候，強哥入廚房一聞到即刻話「麻婆豆腐」？

真係叻仔，又滑又香嘅麻婆豆腐，極之好餸飯~~

下次繼續去幫襯買佢家嘅豆腐，真係好掂~~

個天真係搞嘢，突然又會凍成咁都得嘅，有無理會過我感受啊，真係離譜~~

哼，滾返個湯，暖下個胃先~~

雪櫃凈返一個佛手瓜，再唔煮就要變壞，所以就求其，落一塊薑，幾條蝦乾，一個瓜，少少瘦肉，咁就滾起一啖好鮮甜嘅湯水。

比預期總要好飲，正~~

清清哋，有菜有豆腐總有瓜湯，好美味，好滿足~~

炒雞

今天是元宵節，是不是也叫中國情人節？

這麼開心，今天要佐一日大假，可以順著周末，多休息一天，真是幸福~~

本來打算過去找媽媽喝喝茶的，不過媽媽不舒服不想動，那我也就樂得在家里歇一歇。

 電腦這段時間神神經經，間歇性地開不了機。

 以為大限已至，正打算今天和強哥下了班去商場搬過另一台回家的。

 死心不息，打算上網問問這類情況別人是怎麼處理的，想不到還真有相似情況的，別人說有可能是內存條鬆了，那就死馬當活馬醫，反正也是打定輸數不要了的，那就拆開電腦，把內存條撥出來，再插回去試試看，咦，其中一塊內存條真是鬆鬆的咧，把兩條內存條都重新裝好之後，哈哈，試了一天，電腦又沒事啦。看看能不能再頂個一年半載的，那就很滿足了。

 電腦里還有上個星期的菜菜，寫寫發上來。

 因為平時收工回來，也沒什麼太多時間煮菜，所以趁著周末，預先把一些可以留著的肉菜先煮好，那周一周二甚至周三的晚餐可以先解決了一部份。

 上星期的周日買了一只雞回來，先把雞炒熟了，做為一個基礎的炒雞。

 通常的做法都是先用大量的薑和一小點的蒜，將生雞塊炒至大半熟。

然後落豉油，生抽老抽糖酒這些東西。

屋企有豉油雞汁，那就直接倒些方便醬汁下去，炒一炒上色加味即可。

跟著加點水進去，蓋上蓋子，中小火燜十分鐘左右即可。（雞肉是很容易熟的）

水不用太多，水太多雞的鮮味就淡了。

燜十分鐘左右的雞肉，我先取一碟仔出來。

凈抵的雞肉，再倒入一碗仔香菇進去，拌炒一小會，蓋上蓋燜二三分鐘即可鏟起。

 因為這是預先煮好，要放進雪櫃擺，所以其實不用燜太長時間，到時食的時候，還要再加一點點水加熱，果時其實已經可以很入味了。



睇下，一只雞，煮好兩味，咁兩晚餐基本上已經搞掂。

時間來到了周一的晚上。

收工回家了，把沒有加香菇，凈雞肉的那碟炒雞取出來，加入幾湯匙的清水，開火加熱炒雞，起鍋之前，倒入適量的菠蘿進去，兜幾下起鑊 。。。

酸酸香香的菠蘿炒雞，就係咁簡單~~~

在薑蒜炒雞肉的基礎上，可以將菠蘿換成其它任意的食材，就可以搭配出各式不同感覺的炒雞來，譬如薯仔，芋頭，栗子等材料，可以因應食材的不同而增減燜煮的時間。

 好簡單咧~~



極好送飯的一味，需時不過五六分鐘~~

因為要整韓國泡菜，所以買佐一扎韭菜返黎，用凈有少少韭菜，就咁炒又唔夠，所以加埋少少甘筍同炒蛋入去，加加埋埋，又一碟～～～

其實，煮餐飯，都唔係咁難姐~~

上個星期六公司包佐馬會個場搞周年晚會，住年都總會有請明星仔表下演，今年全部由公司自己友上台表演，真係慳得就慳啦~~~

不過都無乜所謂，睇完表演食飯先人人咁開心嘛。。。

馬會的菜色都OK，煮得都好精緻，味道都幾好，食得過。

有同事玩遊戲，抽中鏮記一圍酒席，真係開心到爆，我就安慰狀，抽到50蚊券，都好，洗頭水都要買，依家落去買支洗頭水先，再見。

奸完一次又一次

爭完床位，下一步爭車位。

三月就要正式開放自駕游，到時各位市民過馬路唔好再盡信交通燈的作用，睇燈之餘，更要睇好有無衝燈車輛，因為背後祖國媽媽一聲令下，香港政府大人忙不迭地將港人中門大開，任人長驅直入，插完一次又一次，插完之後隨手掉低幾張嫖資之後再以救世姿態大唱：

「若不是有老子來插，你們死定了」


身為小市民，肉已在跕板上，反抗怕也是無果，既然「強行進入」已成事實，惟有努力適應，閉上雙眼，靜靜忍受，時不時地再配合輕聲呻幾下以增情趣，或者，日子會好過些。

慘吶~~~