清粥小菜

天氣一熱，粥粥水水就開始上場。

近來喜歡上一種「越光米」，東北產，日本米種，形狀就像一般的東北米，圓而短。


華潤有售。

煮好的飯，粒粒油潤軟糯，咬勁十足，做壽司或飯團，認真一流。

除佐煮飯，用來煲粥，更是一流。

用高壓煲上氣後壓十分鐘，不揭蓋子焗多十分鐘，揭開蓋大火滾多十分鐘。

米粒全部花，把米間的粘性也煮了出來。。。。

綿綿糯糯的粥水，極易入口~~

阿媽潮州人嘅緣故，我屋企自細食粥，都會整固定果幾味小菜伴粥。

我都無例外，一樣整返果幾味

「咸魚蒸肉餅，菜脯蛋」

菜脯切好粒粒，落鑊略略炒出香味，倒入打散嘅蛋液，煎成餅即成。

蛋液無額外調味，因為菜脯本身已具咸味。

簡單得嚟，好好送粥。

 

好耐無食過嘅梅香咸魚，耐唔耐食次，實真係滋味實足~~~

 

上星期某晚。

炒兩個小菜。配料唔少~~~

 

極愛蕃茄的酸甜加上青瓜嘅清香，熱天食來，猶其地開胃~~

 

之前一晚食燒鴨，留起幾塊胸肉，第二日切絲，同芽菜炒埋一碟。

無乜技巧，猛火之下，將食材本身的味道炒出來，俾少少麵豉醬調味。

強哥已經非常讚賞「勁有大排檔風味」~~

家常便飯

本以為要自己一個獨守空閨度過漫漫長夜嘅。

突然強哥打電話返嚟「可以趕返屋企陪老婆食飯」

因為一早煲落啖湯，諗住自己一個人，飲啖湯就算嘅，咁強哥返到嚟，索性炒多兩個餸，屋企食。

依個時候，絕對要靠臘腸先生來打救~~~

好彩家中常備良菜「薯仔」一大個

係依個危急的關頭，發揮佢嘅小宇宙~

來一個薯仔絲炒肉碎~~~~

加埋煲落嘅啖豬尾甘筍雪耳湯。

趕走饑餓，開飯啦~~

天口興，無胃口。

都係整啲小炒最實際。

洋蔥肥牛，加埋燒肉汁，送飯一流~~

買佐一斤蕃薯葉，據聞豬最愛。

最憎係要一條條去佐莖上嘅外衣，不過食起上嚟，真係不枉我咁誠心一條條去伺候。


簡單地油鹽蒜蓉炒，又嫩又滑，愛極愛極，我肯定，我比豬更愛食~~~

滾返個經典「蕃茄蛋花湯」

開飯~~

阿媽包佐十幾隻綠豆腩肉粽俾我，大愛， 大愛~~

雪耳蓮子羹

最近特別喜歡甜食，可能係咀淡淡的關係呱，今日突然地就特別特別想飲點甜湯。

 煲佐一煲仔嘅雪耳蓮子羹。

 綿綿的，稠稠的，滑滑的，香香的，甜甜的~~~~

雪耳真係好平價嘅嘅食材，食唔起燕窩，食雪耳，都唔錯~~~

一次浸一朵已足夠。

一朵浸發之後足有一大大碗。。。

友人送佐幾包最靚嘅湘蓮俾阿媽，阿媽就俾佐包我煲湯煲糖水。。。

帶衣嘅蓮子最好，煲之前用熱水略略浸一浸，搓一搓走啲衣，咁就可以使用。

除佐雪耳同蓮子，總加埋杞子，紅棗南北杏一齊煲。

因為雪耳不宜隔夜再食易產， 會產生亞硝酸鹽，於身體無益，所以最好當日食得幾多就煲幾多，我凈係煲一煲仔就足夠。

用高壓煲，煲三十分鐘，熄火後焗多二十分鐘，揭蓋之後煲滾十分鐘。


咁雪耳入邊嘅咩膠質都出哂嚟。


最後落冰糖調味。


清潤滋補嘅一款糖水。

蒸花卷

唔係特別追求完美的人，所以對於食物的製作並不要求十全十美，過得去就行，對於生活很多的細節，要求也不是特別的高，每個人對於生活的向往在不同階段都會有不同的領悟，目前於我，「自在」二字最重要。

做不到的事情，不做就好，做得不足夠好的事情，盡力就好，不對別人愧疚，不對自己勉強，自在地享受自己做得到的事情，開心地享受自己所得的事物，就足夠了。

真正的「自在」，其實好簡單，放下所謂的面子，不因外界而影響，自由地聽憑心聲的選擇，點樣舒服，怎麼點樣搞。

~~~~~~~~~~~~~~~~~~~~~~~~~~~~~~

我做的包包不漂亮，我捏的花卷很普通，但係有什麼關係咧，自己做的自己管，理得其它人點樣睇，最重要是我動手了，我食著了，就得了。。。

一直不會做花卷，某日睇電視，睇到有師傅教整花卷，做法好簡單，興趣即到，試著整佐次花卷，哈哈，好似都幾似樣嘅~~






準備好兩大舊發酵麵團。

一碗免治豬肉，用甜麵醬炒熟，加埋香蔥粒，少少胡椒粉，想食起上嚟有啲辣辣哋，就加埋一大匙七味粉。


其實如果嫌麻煩，切啲香腸粒加埋蔥花代替肉粒，我相信都絕無問題，隨便你個人嘅方便與口味。

或者午餐肉乜都得啦。不過要我講，炒香粒粒嘅肉碎，較有口感。




麵團搓成一大塊，唔好太薄，太薄卷起就會太細條，蒸好無咁靚。

表皮均勻地擦上一層油，方便稍後，將麵皮分開較有層次。

搓好油，舖上免治豬肉。

均勻地洒上一啲七味粉，咁食上嚟辣辣哋，味道都豐富啲。

舖好肉，用手壓一壓實，等肉碎無咁易從麵團當中漏出嚟。

講明係花卷，咁就一定要卷㗎啦。

舖好肉碎之後，將麵團卷起，卷成一個粗條。

然後用刀，界幾刀，唔洗界斷，界開幾刀就可以。

唔界斷嘅界幾刀為一個單位，界幾刀之後，就要界斷佢，分成一個個麵坯。

將個底部略略收緊，然後將界開嘅一條條，向左右兩邊撥開形成層次感，整好個造型。

無乜所謂，我都係求其亂咁嚟搞嘅，大致上相似就得。

其實我整嚟都無乜章法，好求其整好嘅。

做好的花卷，擺著繼續二次發酵大約七八分鐘，就可以上鑊蒸。

 蒸個六七分鐘其實已經足夠。

 我係水滾落鑊蒸。

蒸佐兩籠，食嘅時候我超鐘意撕開一條條咁食，好玩又好味，超簡單，易過整包添，睇怕以後又係經常整嚟佐早餐嘅選擇。

早上蒸返熱佢即刻食得，幾方便。

干撈粉

總會莫名地有些特別特別想吃的東西。

比如很久很久沒吃過的干撈粉。

昨晚，一個人的餐桌。

幾個小菜，一大碗的粉。

一定要滿足我那思粉的心情。

一碗蕃茄鹵，一個炸花生，一碟酸瓜絲，一些叉燒，一些油蔥酥。

都是必需的。

炸花生其實沒有很難，只要少少的技巧，誰都能炸出又香又酥油脆的花生米。


1、花生略略用清水浸泡5分鐘，然後用布或紙略為吸干水份。

2、冷油下花生米，開中火，炸至油滾

3、看油略滾，輕輕攪拌讓花生米受熱均勻，我看火稍大，就轉成中小火。

步驟2與3合共需時大約六七分鐘。

4、熄火之後，讓油的余溫繼續加熱花生大約三四分鐘，即可撈起。


攤涼之後，即成又酥又脆的花生米，最重要，完全不會有過火情況，看看花生皮，還能保持淺金色。

炸完花生的油，不要浪費，順便炸點「蔥油」

切好的小紅蔥頭，先進雪櫃里冰十分鐘左右，油因為炸過花生米，略帶余熱，其實也沒關係，直接就把蔥頭扔進鍋里，中火炸至略略轉成金色，然後熄火讓余溫繼續炸個三四分鐘。

金燦燦的油蔥酥，金燦燦的花生米，一油多用。。。。

炸好後的油，就成了香噴噴的「蔥油」

因是熟油的緣故，炸好的蔥油可直接加入食物中使用，譬如拌粉拌麵，或是蒸的腸粉，加點蔥油進去，  絕對的畫龍點睛~~~~

做包子做餃子，加點蔥油，更是美妙無比。

炒好的餸菜，點上一些蔥油做包尾油，無與倫比~~

油已傾，鍋已凈，不必洗，直接順著鍋，製作蕃茄鹵汁。

切好的蕃茄，下鍋炒熱炒散炒出香味。

然後下「陳醋、砂糖、蠔油、生抽、蕃茄醬、清水」煮開，最後埋個芡，即成~~~~

肯定是最近買菜少了，落後了。

我被菜價嚇到了。

三個蕃茄，兩條青瓜，一稱報價「21蚊，唔該」

直接反應「今日菜價，勁過金價喎」

檔主笑笑口，順手塞進一把蔥，「無計啦，來貨貴嘛」

我沒問多少錢一斤，只知道過往最過往最多十塊錢的東西，今日要一倍以上。


用了一條青瓜，切粗條，黑醋與砂糖加味素，拌拌，醃一二個小時即成。

買佐包米粉，煮熟。

同意粉一樣，佢都係好硬身，要煮好之後焗一焗先熟透。

口感同意粉絕不相同，意粉由麵粉所制，米粉由平時食飯嘅大米所制。

整依味干撈粉，定必要用米粉，先似樣。

一切就緒，鐘意落乜落乜。

攪勻，開餐~~~~


味道，同記憶中嘅，七八成似，滿意之極~~~