小菲菲俠自煮樂
天熱無胃口，食粥就最好。
買佐磅肋排嚟煲粥，鐘意用排骨煲粥，煲幾耐個肉都唔會鞋。
排骨先用鹽醃佐幾個鐘，煮之前過一過水衝走過多鹽份。
然後好簡單，將所有材料掉入煲。
我用佐「排骨、菜干剁碎、薑一塊、果皮一塊、米、水」
快速煲細細火煲佐15分鐘，然後唔揭蓋焗多20分鐘。
啖粥好綿好入味啦。。。。
菜乾剁碎再煲，好出味好出味，啖粥香噴噴啊。。。。
我專程走去灣仔街市買健康土豬肉，可能好多人唔覺得同平日嘅豬肉有咩唔同，但係講真，依類黑毛豬嘅豬肉，真係香好多㗎。。。。
愛嚟煲粥，啖粥嘅肉香味，真係好濃好濃。。。。
另外炒多碟米粉送粥，簡單又美味~~~
留起一半粥等第二日早上整返熱佢做早餐。。。。
大半煲嘅粥加埋一碟炒米，好滿足~~~
冰鎮酸梅湯在中國由古時候就已經出現，並且確實名稱，就叫做「冰鎮酸梅湯」。
強哥好奇問我「古時候沒有雪櫃，怎麼會有冰鎮一說」
告訴強哥，古時候的官宦或富庶人家，通常大宅之內都附設一個大地窖，地處北方的人家，地窖的其中一個用途，就做儲冰之用。
每年一到冰季，命下人到湖中收集雪到極硬的冰磚，整車整車地運到自家地窖之中擺放，利用地窖天然地恆溫效果，將冬季的冰，一直保存至仲夏，供一家大小整個夏季用來做消暑之用。
稍作講究的人家，會在冬季用了乾淨的食水制成的冰塊，留待夏季添加到飲品直接飲用，其中這道酸梅湯，添加冰塊之後風味奇佳，便是最受歡迎的一道冰鎮飲品。
當然除了有錢人家，外頭也有食肆會在冬季收集了冰磚冰塊甚至冰屑一類的冰制品留待夏季自家舖頭所用。因為條件有限，無法製成乾淨可食用的冰塊，所以食肆所售的「冰鎮酸梅湯」，通常會用一個高身木桶盛載了大量的碎冰，然後在碎冰之上擺上一個極薄的瓷碗，盛裝著煮好的酸梅湯，讓冰塊的稍稍降低飲品的溫度。因為冰塊都是從湖中或是河邊直接取回存放於地窖之中，所以擺上檯面的碎冰，大多會夾雜草屑石塊一類的異物，不過能夠在盛夏之中，感覺到一絲的冰涼之意，已是不可多得的侈奢。這個做法，有點像本港某餐廳奶茶的上法，周邊擺上碎冰，中間才是一大杯的奶茶，既得冰爽之餘，又能保持濃郁的茶味。
這些都是看過古代飲食雜記中的記載得知，也得知了當時的酸梅湯，制法極其簡單，不過就是煙制而成的梅子加上曬乾的山楂加水熬煮，最後加點冰糖即成。
昨天是夏至。煮了一小鍋的酸梅湯，供家人飲用，以作消暑開胃之用。
材料簡單「烏梅適量、山楂適量、杭菊適量」
做法：
1、先用清水浸泡材料，將異物洗走。
2、加水半煲煮約20分鐘。
（少水煮至濃稠較易）
3、加至水滿，倒入菊花，繼續煮約15分鐘即可，最後加冰糖調味。
然後不開蓋，燜焗大約20分鐘至味濃。
菊花可加可不加。
隔渣入樽，雪至冰爽，味道奇佳~~~
是盛夏當中最最一流的飲品。。。。
冬瓜去濕效果一流，而且熱天正當兆，又平又靚嘅大冬瓜隨便買都正到極。
依日用冬瓜整味餸，熱天食落好滋味。
靈感係嚟自早幾日整嘅斑片，只不過將斑片轉成冬瓜嚟整。
我叫佢「蠔汁火腿冬瓜夾」
材料基本上睇個名就齊哂。
做法好簡單：
1、冬瓜切厚片，中間開一刀。（切厚啲都唔怕，太薄食唔到口感）
2、中間夾上一塊體積相近嘅火腿
舖好一碟。
3、準備一個芡汁：
「生粉、高湯、蠔油、少少糖」
全部材料撈勻
4、隔水蒸10分鐘左右。
睇到冬瓜變透明即成，所以我話要切厚啲就咁解，太薄一蒸好就唔見佐冬瓜啦。
5、步驟3嘅芡汁放落鑊慢火煮熟，蒸好嘅冬瓜會出好多水好清甜，我都倒埋落依個芡汁一起煮，咁會清甜好多，煮好嘅芡汁倒上蒸好嘅冬瓜面，搞掂`~~
係咪好簡單咧。。。。
冬瓜本身嘅清甜加埋火腿嘅咸香，配以蠔汁嘅惹味，熱天食落真係好舒服~~~
買佐件牛扒，切粒粒，同青椒甘筍炒埋，蠔油俾味~~~
我覺得牛肉同青椒嘅味道好格，好鐘意。。。。。
蠔油真係好，配乜都好似好搭咁~~~
好舒服嘅一餐飯~~~
因為我本身已經係熱底，飲佐幾日薑茶，有小小肝火盛添。。。
咁就衝返杯去肝火一流嘅茶水嚟平衡返啦。
凈係睇個樣，未飲都先清佐一半啦~~~
材料都係好普通料嚟嘅，全部係藥房可以買齊。
山楂、菊花、杞子
可惜買唔到貢菊，用嘅係杭菊，我個人就比較鐘意貢菊，較之杭菊更為幽香。。。。
（材料最好去有信譽嘅藥房買，避免買到「加佐色素嘅杞子、已經榨過汁嘅菊花、留得太耐變哂色無哂味嘅山楂片）
沖一杯茶用嘅量唔係好多，每樣少少就足夠。
想飲落好味，再落多幾粒冰糖。
因為材料有少少沙，所以我會先用熱水浸一浸，洗走啲塵。
然後搵個杯，將所有材料擺埋，衝滿一杯水，焗一焗出味，就搞掂~~~
不過山楂好削胃，最好飯後飲，咁可以下火之餘，更加可以消脂，一舉多得``~~~
我有一個朋友同我講過，佢日日飯後一杯山楂水，堅持連續飲佐半年之後，輕佐成30磅咁多啊。。。。。
足見山楂嘅消脂減肥功效有幾咁強啊。。。。
端午節雖然提早幾日出街食佐，不過正日依日，得閒嘅幾個都依然會返屋企食餐飯，始終一家人係屋企食，食飽之後大家座埋食下生果，講下是非，比起係酒樓食完拍拍屁股就走人，要嚟得更有家庭嘅感覺。
老爺係漁排帶佐條斑落嚟，片佐好勁大一舊魚扒俾我帶返屋企食。
真係超大一舊啊。。。。
一餐要食哂，獨沽一味似乎會太悶，於是，一分為三~~~
整佐二餸一湯：麒麟蒸斑片、面豉煮魚、味噌荽莤魚片湯
一部份切條狀（用胡椒鹽酒醃味），一部份片厚片，中間再切多一刀（同樣用胡椒鹽酒醃好味），最後嘅部份，保留大大一舊（用韓國面豉同酒醃味）
先嚟整個「麒麟蒸斑片」
首先魚片切厚片，然後中間開一刀。
然後胡椒鹽酒略醃味。
跟住就好簡單，片好嘅魚，中間夾一塊火腿，舖係碟上。
最後，係面舖蒜蓉同油蔥酥（比落炸蒜總要香）
上鑊隔水蒸6分鐘。
蒸好之後取出，落少少荽莤或蔥，淋蒸魚豉油，倒熟油係面，搞掂~~~
蒸得時間剛剛好，食落斑片好嫩，配埋火腿嘅香，加埋蒜同豉油嘅味，非常非常一流嘅一味蒸餸----「麒麟蒸斑片」
另一味餸，係成舊嘅魚，想惹味啲，香口啲，咁就整佐一味「面豉煮魚」
先用韓國面豉同酒醃入味，然後用油爆香薑絲，魚落鑊，煎至表皮香脆，加少少水，蓋上蓋焗一二分鐘至熟，撒一把糖落去，中和返面豉嘅咸，開大火煮至汁變結，搞掂~~~
一擺上檯，老公話「斑都可以整到咁西式嘅」~~~
另一種食法啦。。。。
因為太厚我煮得耐佐少少，所以食落，無蒸斑片咁滑係必定㗎啦，勝在味道夠惹味，下次轉用其它魚嚟煮，效果應該總好~~
最後，滾一個荽莤豆腐魚片湯~~~
落佐赤味噌，啖湯變得好日式。。。。。
好囉，搞掂咁大舊魚，安樂哂`~~
因為我同強哥都唔太鐘意食魚，所以平時真係好少整嚟食，唔想嘥佐舊魚，逼住整佐餐全魚宴~~~
對於好魚嘅人嚟講，喱餐一定好歡喜~~~~
搞掂~~
